ရခိုင်ပြည်နယ်တွင် စစ်ကောင်စီတပ်အားလုံး ကင်းစင်ရမည်ဟူသော စစ်ရေးရည်မှန်းချက်ကို အကောင်အထည်ဖော်နေသည့် အာရက္ခတပ်တော် AA သည် ယခုနှစ်ကုန်ပိုင်းအတွင်း ပြည်နယ်တစ်ခုလုံးကို ထိန်းချုပ်ထားနိုင်ဖွယ်ရှိကြောင်း AA ထိပ်ပိုင်းခေါင်းဆောင်များနှင့် နီးစပ်သူ ဦးဖေသန်းက ပြောသည်။
ထိုသို့ ပြည်နယ်တစ်ခုလုံးကို ထိန်းချုပ်နိုင်ရန်မှာ ပြည်နယ်တောင်ပိုင်းရှိ သံတွဲနှင့် အမ်းမြို့နယ်တို့ကို အလုံးစုံသိမ်းပိုက်နိုင်ရေးက လွန်စွာအရေးကြီးကြောင်းလည်း ဝါရင့်ရခိုင်နိုင်ငံရေးသမားလည်းဖြစ်သူ ဦးဖေသန်းက သုံးသပ်သည်။
သံတွဲနှင့်၊ အမ်းမြို့နယ်တို့ကို အလုံးစုံ သိမ်းပိုက်ပြီးပါက ပြည်နယ်မြို့တော် စစ်တွေနှင့် တရုတ်စီမံကိန်း အများအပြားရှိရာ ကျောက်ဖြူမြို့တို့ကို AA က အလိုအလျောက် ပိတ်ဆို့ပြီးသား ဖြစ်သွားလိမ့်မည်ဟု သုံးသပ်မှုများလည်း ရှိနေသည်။
ရခိုင်ပြည်နယ် စစ်ရေးအခြေအနေများ အပါအဝင် ပြည်နယ်မြောက်ပိုင်းရှိ မောင်တောမြို့သိမ်းတိုက်ပွဲ အလားအလာများနှင့်ပတ်သက်ပြီး ဦးဖေသန်း ကို ဆက်သွယ်မေးမြန်းထားသည်။
မေးမြန်း - စထွန်းအောင်
![](https://s2.save4k.ru/pic/drxxNGy_AhU/maxresdefault.jpg)