Lajme arkiva 2007
Përveç se ka mbushur repartet e urgjencës me pacient, epidemia e gripit që ka shpërthyer në mbarë vendin, po boshatis edhe farmacitë nga medikamentet anti-viral. Me alarmin e mjekëve se kjo influencë është e rrezikshme, qytetarët u janë drejtuar menjëherë farmacive. Dikush pasi është prekur nga viroza, e të tjerë për të marrë masa në rast të shfaqjes së shqetësimeve. Ndërkohë që masat duket se i kanë marrë edhe farmacistët.
“E vërtetë është që është periudhë gripi. Kryesisht antibiotikët vijën me recetë mjeku për komplikacionet që shkakton gripi, jo për grip direkt. Kurse për direkt për grip përdoren disa barna që janë specifike, kryesisht Tylolhot, Actifed, Fervex, Grippostad dhe Daleron Cold3”.
Mosha më e prekur nga kjo virozë janë fëmijët. Në Gjirokastër, është shtuar ndjeshëm numri i të miturve që kanë nevojë për trajtimin mjekësor në spital. Reparti i pediatrisë është mbushur plot, ndërkohë që për vizita dhe për të marrë ndihmë mjekësore, paraqiten rreth 80 fëmijë në ditë, të moshave 0 deri ne 5-vjeç.
Në Fier, gripi dyshohet të jetë bërë shkak i vdekjes së një vajze 25-vjeçare, kështu pretendojnë familjarët e saj, por mjekët dyshojnë për shkaqe të tjera dhe kanë kërkuar analiza më të specializuara, për të përcaktuar diagnozën. E reja humbi jetën gjatë rrugës për në spital dhe nëse vërtetohet se shkak ka qenë gripi, atëherë ajo do të jetë viktima e parë dhe një paralajmërim për rrezikshmërinë e tij./tvklan.al
Gazetar: Fatos Hakorja
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
