MKUU wa Mkoa wa Mbeya, Albert Chalamila, ameliagiza Jeshi la Polisi mkoani humo kuyaondoa mabango yote ya waganga wa jadi yaliyobandikwa mitaani yakiwemo yanayoeleza kuhusu kuongeza nguvu za kiume kwa madai kuwa yanawaingiza wananchi kwenye majaribu ya kishirikina.
Aidha Chalamila emeagiza baada ya operesheni ya kuyaondoa mabango hayo kukamilika, ianze operesheni ya kukamata waganga wa jadi wote wanaokiuka taratibu za nchi na kuwafikisha kwenye vyombo vya dola.
Amesema waganga hao wanawahadaa wananchi hasa vijana wakidai watawasaidia lakini hakuna wanachowasaidia zaidi ya kuwaharibu zaidi na kuanza kuwachonganisha na ndugu zao.
