يارقيق المشاعر وين راح الحنان … ليه ماشلت قلب طاح قدام عينك
الزمن هو زمانك والمكان المكان … واخر الشعر كلمه تسألك عنك وينك
من تقهويت صوتك سولف الزعفران … عاد وشلون فنجالٍ تمده يمينك
تذكر شلون كنا والغلا كيف كـان … يوم لاغبت عنك مااسمع الا ونينك
اشعر بخوف مدري كنت احس بامـان … يكفي ان جيت يمك طار فيني حنينك
وشكثر كنت وافي واقرب الناس خـان … بس اثق فيك حتى لو عيوني تدينك
زان عمري بقربك يعني الوقـت زان … حتى جرد القصايد ربعت في يدينك
طول عمري وانا لاوي اذراع الهوان … شفت يومك بعيني منهو يقدر يهينك
مذكر اني نسيتك واذكرك من زمان … واذكر اني ضحيه بين قلبي وبينـك
تدري وش جابني لك لاتقول الحنان … جيت بشيل قلبٍ طاح قدام عينك
![](https://s2.save4k.ru/pic/e2RfCK6tbkk/maxresdefault.jpg)