Neftçala Rayon Polis Şöbəsinin əməkdaşlarının keçirdikləri əməliyyat tədbirləri nəticəsində rayonun Mikayıllı kənd sakini Kərim Həsənov şübhəli şəxs qismində saxlanılıb. Saxlanılarkən onun üzərindən, eləcə də idarə etdiyi yük avtomobilindən 4 kibrit qutusunda qurudulmuş marexuana maddi sübut kimi götürülüb. Daha sonra polis Kərim Həsənovun yaşadığı evdəki çarpayının altında eləcə də baxçadakı tərəvəz kollarının arasında xüsusi qablara doldurularaq gizlədilmiş külli miqdarda marexuana aşkar edilib. Ümumi çəkisi 3 kiloqram 67 qram olan narkotik tərkibli bitki istehlak həcmindən çox olduğu üçün onun məhz satış məqsədi ilə saxlanıldığı müəyyən edilib. Kərim Həsənov əvvəllər də eyni əmələ görə məhbusluq həyatı yaşayıb. Faktla bağlı araşdırma aparılır.
Ещё видео!