Թուրքական ընտրությունները լուսաբանելու համար Ստամբուլ մեկնող լրագրողների խումբը անակնկալի էր եկել, երբ ազգային փոխադրող ներկայացող FlyOne Armenia ընկերությունը տեղեկացրել էր, թե թռիչքը հետաձգվում է մեկ ժամով։ Հետո այդ մեկը չորս ժամ էր դարձել։ Այդ խմբում նաև «Ազատության» լրագրողն էր, նրա փոխանցմամբ՝ ընկերությունը որևէ պարզաբանում չի տվել պատճառների վերաբերյալ։
Հայ-մոլդովական FlyOne Armenia ընկերության սեփականատերերից է իշխանական պատգամավոր Խաչատուր Սուքիասյանի ընտանիքը։ Թեև ընկերությունը խոստացել էր չվերթն իրականացնել 24 ժամ անց, բայց ուղևորները սպասել են շուրջ 28 ժամ։
2021-ից թռիչքներ իրականացնող ավիաընկերության տնօրենների խորհրդի նախագահ Արամ Անանյանն «Ազատությանն» ասաց, որ Ստամբուլ-Երևան-Ստամբուլ չվերթն ապահովող ինքնաթիռը չնախատեսված տեխնիկական խնդիր է ունեցել, եթե թռչեր, հետևանքները կարող էին անդառնալի լինել։
Հարցին, թե ինչու ընկերությունն ուղևորներին չի ապահովել սնունդով և հյուրանոցով, Անանյանը պատասխանեց. - «40-ից ավելի ուղևոր Թուրքիայում ստացել է հյուրանոց, երկու տասնյակից ավելի ուղևոր Երևանում, ովքեր կացարանի խնդիր ունեին, էլի ապահովվել են հյուրանոցով»։
Անանյանն ասաց, թե անսարքությունը շտկվել է, ուղևորները հասել են Ստամբուլ, իրենք ուսումնասիրում են բոլոր դժգոհություններն ու հետևություններ են անում։
Fly One Armenia-ն 7 ինքնաթիռ է շահագործում, ՀՀ-ում գրանցված են 2-ը, տեխնիկակակն խնդիր է ունեցել հենց այդ երկուսից մեկը։
Ազատություն TV-ին հետևեք նաև Ucom-ի 222, Rostelecom-ի 18 և TeamTV-ի 3-րդ ալիքներով
#ազատություն #լուրեր
🔶 Facebook – [ Ссылка ]
🔶 Youtube – [ Ссылка ]
🔶 Instagram – [ Ссылка ]
🔶 Twitter – [ Ссылка ]
🔶 Telegram – [ Ссылка ]
