1 iyun 2023-cü il tarixində məktəbdə ibtidai sinif şagirdlərinin iştirakı ilə Uşaqların Beynəlxalq Müdafiəsi Günü münasibətilə tədbir keçirilib. Tədbir Azərbaycan Respublikasının Dövlət Himninin səsləndirilməsi ilə açıq elan edilib. Tədbirin gedişində aparıcılar Uşaqların Beynəlxalq Müdafiəsi Günü haqqında ətraflı məlumat verib. İbtidai sinif şagirdləri həm uşaqlara aid, həm də vətənpərvərlik ruhunda şeirlər səsləndirib, mahnılar oxuyub, rəqslər ediblər. Həmçinin uşaqların ifasında müxtəlif səhnəciklər nümayiş etdirilib.
        Tədbirin sonunda məktəbin sinifdənxaric və məktəbdənkənar tərbiyə işinin təşkilatçısı Bahar Əkbərova çıxış edərək uşaqları təbrik edib və gözəl çıxış etdiklərinə görə onlara öz minnətdarlığını bildirib.

свернуть