Соған сәйкес енді отбасының жалпы кірісі мен кедейшілік шегі есептеліп, айырмашылығы төленетін болды.
Жаңа жүйе бойынша Ақтөбеде өтініштер 4 орталықта қабылданып жатыр. Мұнда атаулы көмек түрлерінен өзге көпбалалы жанұяларға берілетін жәрдемақылар туралы да түсіндіріледі. Биыл өңір бойынша 14 мыңнан астам отбасы қолдау шараларымен қамтылмақ.
Бұлбұл Елеусінова, Әлеуметтік бағдарламалар басқармасының басшысы:
- Отбасының табысы кедейшілік деңгейінен төмен болатын болса, ол отбасы мүшелеріне АӘК тағайындалады. Егер отбасының табысы 100 мың теңге болатын болса, бұл отбасында 5 адам тұратын болса, табыс 5 адамға бөлінеді. Сонда әрқайсысына 20 000 тг-ден келеді. Ал бүгінгі күнге белгіленген кедейшілік деңгейі – 20007 тг. Ендеше отбасының әр мүшесіне 107 тг көлеміндегі айырмашылығы ғана төленеді. Осыны біз ескеруіміз қажет.
