#oranews #afp #rusiukraine #rezervatemiellit #millei #importimiellit #afp

Pamje nga AFP

Ndërprerja e importit të grurit nga Rusia në Shqipëri nuk do të ketë efekt për të paktën tre muaj. Unioni tregtar ushqimor shprehet se për këtë periudhë ka rezerva të mjaftueshme. Megjithatë ai thekson se duhet nisur puna për të gjetur alternative të tjera furnizuese për të shmangur skenarët më afatgjatë.

Në nisje të krizës pas përplasjes Rusi – Ukrainë, ekspertët kanë nisur të bëjnë llogarinë për pasojat ekonomike.

Në Shqipëri Rreth 75% të grurit vendi ynë e siguron nga Rusia, por sanksionet me të cilat po përballet ky shtet pas nisjes së sulmit në Ukrainë pritet të sjellin ndërprerje të furnizimit apo rritje të çmimit.

Por importuesit e mëdhenj deklarojnë se vendi ka rezerva të mjaftueshme për tre muaj.

"Situata nuk është fare e mirë, edhe pa ndodhur lufta situata ka qenë në rritje. Aktualisht gjendja dhe depozitat e grurit janë të mbushura, por kjo mund të zgjasë deri në 2-3 muaj."

Theodhor Kristuli nga Unioni Tregtar Agroushqimor thotë se Shqipëria duhet të vlerësojë sa më shpejt alternativa të tjera furnizimi por edhe në këtë rast rritja e çmimit është e pashmangshme. "Të shkohet në Francë, Kanada, në shtete të tjera. Edhe vetë Franca e ka rritur me 23 euro çmimin për ton të grurit."

Por lufta që sapo ka nisur në lindje pritet të ketë një ndikim më të gjerë në ekonomi. Mira Pogaçi thotë se nafta e gazi do të shtrenjtohen më tepër.

"Si në pjesën e industrisë së udhëtimit, në pjesën e industrisë së aviacionit sepse aviacioni evropian furnizohet nga Rusia me lëndë të parë. Tregu i metaleve dje ka shkuar në nivelet më të larta hitorike që nga viti 2011. Nafta po tregtohet me 100 dollarë, ka shkuar në nivel historik."

Sipas të dhënave zyrtare të INSTAT, Rusia është vendi kryesor i origjinës për drithërat e importuara në vendin tonë, me vlerë thuajse 5 miliardë lekë për vitin 2021.

Për më shumë lexoni në: [ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть