БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Әл-Фараби атындағы Қазақ Ұлттық Университетінде оқитын "пәк" қыздардың тізімі тарады. Нақтысы, 190 тәлімгердің аты-жөні, жеке сәйкестендіру нөмірлері мен ұялы байланыс нөмірлері жазылған МЫНА ақпарат ватсап топқа түскен. Студенттердің жеке деректерінің ішінде әсіресе "вирго", яғни "пәк" деген жазу үлкен дау тудырды. Белгілі болғандай бұл тізімді студенттер флюрографиядан өтсін деп механика-математика факультетінің деканатына жеке медициналық орталықтың маманы жолдаған екен. Тәлімгерлердің жеке деректері мен дәрігерлер ғана білуі тиіс ақпараттардың тарауына қатысты қазір тексеріс басталды. Іске тіпті құқық қорғау органдары да араласатын болады.
---------------------------------------------
Теңдессіз жобамызға көз салыңыз: [ Ссылка ]
Гранттың тізімі шыққанда қуанатын Қазақ Ұлттық Университетінің студенттері бұл жолы тізімде болмағандарына шүкіршілік еткендей. Өйткені, 190 шәкірттің есімі мен жеке деректері көрсетілген тізімде қыздардың "пәктігі" туралы да жазба бар. Бұл тізімді университетпен бірнеше жылдан бері келісімшартпен жұмыс жасап келе жатқан медициналық орталықтың маманы деканаттың қызметкеріне студенттерді флюрографиялық тексеруге шақыру үшін жіберген. Ал ЖОО-ның маманы дәрігерлер ғана білу тиіс ақпарат жазылған қағазды тексерместен тәлімгерлер отырған ватсап топқа таратқан.
БАУЫРЖАН ЖАҚСЫМБЕТ, тілші:
— Тізімде флюраграфиялық тексеруден өтпеген механика-математика факультетінің 3 және 4 курс студенттерінің жеке деректері жазылған дейді, — жоғарғы оқу орнының мамандары. Сонымен бірге онда қыздардың аты-жөні, ұялы телефон нөмірлері мен ЖСН-нен бөлек ер балалардың да жеке деректері көрсетілгенін атап өтті. Ал енді мұндай қателікке жол берген медициналық орталықпен келісім шартты тоқтату мәселесі қарастырылып жатыр екен.
ЖҰЛДЫЗ ЕСІМОВА, Әл-Фараби атындағы Қазақ Ұлттық Университеті тәрбие жұмысы жөніндегі департаментінің директоры:
— Осы факт бойынша Университет басшылығы қызметтік тексеріс тағайындап Алматы қаласының прокуратурасына шара қолдану және студенттердің құқықтарын қорғауды қамтамасыз етуді қамтамасыз етуді қолға алу туралы өтінішпен жүгінді. Сонымен қатар университет "Smart Health University City" медициналық орталығымен болашақта келісімшартты тоқтатуды қарастыруда.
Қазіргі уақытта медициналық орталықтағы қызметкерге де, факультет деканатындағы маманға да еш шара қолданылмаған. Барлығы тексеруден кейін белгілі болады дейді. Ал емхананың басшысы болса қыздардың пәктігін дәрігерлер арнайы тексермейтінін айтады. Сонымен бірге тізімде белгі қойылмағандардың арасында ер азаматтармен қатар әлі тексеруден өтпеген қыздар да бар деп отыр.
ЖАННА ЖҮНІСОВА, "Smart Health University City" ЖШС емханасының медициналық басшысы:
— Ол жерде жаңағы қыз емес, қыз деген нәрсе жазылмаған. Ол жерде медосмотр өтпеген пустой графа тұр. Вирго деп тұр ғой? Вирго деген ол медосмотрдан өткенде жыныстық қатынаста болмаған деген сөз.
Даулы мәселе бүгін Ғылым және жоғары білім министріне де жетті. Саясат Нұрбек жоғарғы оқу орнында болған оқиғаға қатысы бар адамдар жазаланады деді.
САЯСАТ НҰРБЕК, ҚР ғылым және жоғары білім министрі:
— Бұл әрине заңсыздық. Жеке деректерді беру оның ішінде медициналық сипаттағы деректерді тарату. Сондықтан біз мәселені бақылауға алдық. Енді жазалаймыз. Себебі бұл жерде тікелей заң бұзушылық бар.
Сонымен бірге Қазақ Ұлттық Университетінің қызметкерлері ректор тізімге іліккен студенттерден кешірім сұрайтынын да жеткізді. Сонымен бірге тексерістен кейін өтемақы берілуі де мүмкін. Ал тізімге ілінген студенттердің шағымданып немесе күйзеліске түскені туралы ешқандай ақпарат жоқ дейді білім ордасының мамандары.
---------------------------------------------
Біз барлық әлеуметтік желідеміз, тіркеліңіз:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
Ұлттық университеттен тараған тізім
Теги
Информбюро31 канал информбюроновости информбюроинформбюро жаналыктарглавные новости страныновости казахстанажаңалықтарzhanalyktarжаналыктарбасты жаңалықтаркешкі жаңалықтаринформбюро қазақшакешегі жаңалықтараида боранбайинформбюро орысшавечерние новостиаскар мендыбаевирина евгеньеваирина советжанқызы