Толибон нега Москвага қатнаб қолди?
Москвага ташриф буюрган Толибон ҳаракати вакиллари Афғон сиёсатчилари билан ёпиқ эшиклар ортида учрашди. Эътиборли томони иккинчи марта ташкиллаштирилаётган бу учрашувда ҳам Афғонистон ҳукуматидан бирорта вакил иштирок этмаган.
Учрашувда қатнашган Афғонистондаги сиёсий гуруҳлар ҳамда Толибон томони Афғонистонда оташкесим масаласини ҳал қилмоқда. Учрашув сўнггида қўшма баёнот тақдим қилиниши кутилмоқда.
Бироқ кузатувчилар Афғонистон ҳукумати иштирок этмаётган бу учрашувнинг самарадорлигига шубҳа билан қарашмоқда.
Толибон сўнгги олти ойи ичида Москвага иккинчи бор ташриф буюрмоқда. Сўнгги ташриф Москванинг Вашингтон билан алоқаларига жиддий раҳна солган даврга тўғри келмоқда.
Москвадан Би-би-си Ўзбек хизмати Соҳиба Ҳаёт тадбирда қатнашаётган афғон сенатори Абдуллоҳ Қарлоқ билан суҳбатлашди.
