Месца нашай сённяшняй вандроўкі вядомае не толькі брэндавымі каўбасамі, малочнымі прадуктамі, чыстымі вуліцамі, бульварамі ды чарговым прэм'ерам. Якраз тут дзіўным чынам пераплятаюцца лёсы Адама Міцкевіча, Аляксандра Пушкіна і Янкі Купалы, панскія палацы яшчэ памятаюць эпоху класіцызму, а на вуліцы можна сустрэць дзіўныя экіпажы!
Ды што дзівіцца, хіба можа быць іначай у мястэчку, гаспадары якога вучыліся ў Оксфардзе і Сарбоне? Ці можа знікнуць дух літаратурных тусовак і паэтычнага слэму? Ды і Банапарт — гэта вам не Дэпардзье: ён назаўжды застаўся ў гісторыі гэтага цудоўнага краю.
Запрашаем разам з намі ў краіну Сноў!
