Një 70-vjeçar mbeti i plagosur me armë zjarri pasditen e kësaj të enjteje në qytetin e Durrësit. Ngjarja ndodhi në ambientet e një lokali në lagjen 17-të të qytetit bregdetar.
Burime zyrtare të policisë bëjnë të ditur se autor i dyshuar i kësaj plagosjeje është 31-vjeçar Adil Hizdri, i cili u arrestua në tentativë për t’u arratisur. Shkak për të shtënat policia thotë se u bë një konflikt i çastit, pa dhënë më shumë detaje.
“Rreth orës 19.30, në një lokal në lagjen nr. 17, dyshohet se si pasojë e një konflikti të çastit, Adil Hizdri, 31 vjeç, banues në lagjen nr. 17 Durrës, ka plagosur me armë zjarri pistoletë shtetasin F. H, rreth 70 vjeç, banues në Durrës, i cili ndodhet në spital nën kujdesin e mjekëve.
Falë reagimit të menjëhershëm të shërbimeve Operacionale dhe Shqiponja kapet në tentativë për t’u larguar dhe shoqërohet në Polici, për veprime të mëtejshme autori i dyshuar i plagosjes. Ndërkohë shërbimet e Policisë kanë shoqëruar dhe një shtetas tjetër, konkretisht shtetasin A.T, 56 vjeç, që ishte bashkë me autorin e dyshuar të ngjarjes në momentin kur ka ndodhur ngjarja”, thuhet në njoftimin e policisë së Durrësit.
E teksa hetuesit vijojnë punën për të zbardhur rrethanat e plota të kësaj plagosjeje, pamjet e përcjella nga gazetarja Enkeleda Arapi, tregojnë se autori i dyshuar ka qëlluar disa herë më armë, duke rrezikuar kështu edhe jetën e qytetarëve të tjerë që ndodheshin në atë moment në lokal apo duke kaluar rrugën./tvklan.al
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://s2.save4k.ru/pic/edB6vZVxu4Y/mqdefault.jpg)