#Auen #QazAuen @QazAuenKZ1

Бұлағы қандай жайлаудың, бұлағы қандай оу
Ішеді мөлдір кәусарын, құмары қанбай ой жайлау
Сұлулық шіркін тартады, өзіне қарай оу
Сол жақта менің сырғалы, сыңарым бардай ой жайлау

Қайырмасы:
Мөлдір де мөлдір бұлағың,
Сыбдыр да сыбдыр құрағың
Гүмбір де гүмбір домбыра
Жайлауы осы шырағым, жайлауы осы шырағым

Ауасы қандай жайлаудың, ауасы қандай оу
Көңілге шипа, жүрекке дауасы бардай ой жайлау
Бұршағы қандай, жауыны, дауылы қандай оу
Жусаны қандай шіркін ай, жуасы қандай ой жайлау

Қайырмасы:
Желбір де желбір тұлымың
Желіге байлап құлынын
Қос өрім ерке бірімің
Жайлауы осы сұлуым, жайлауы осы сұлуым

Көгілдір жайлау көлдердің, тұнығы қандай оу
Кетпейді ешкім бұл жерден, тынығып алмай ой жайлау
Тынысы қандай шіркін ай, қымызы балдай оу
Қымызды құйған қыздардың қылығы қандай ой жайлау

Қайырмасы:
Төрт-түлік малың өрісте
Тауларың биік келіскен
Кем емес ешбір де ештен
Жайлауы осы періштем, жайлауы осы періштем.
Мөлдір де мөлдір бұлағың,
Сыбдыр да сыбдыр құрағың
Гүмбір де гүмбір домбыра
Жайлауы осы шырағым, жайлауы осы шырағым

свернуть