Muri iyi video turarebera hamwe uko wabona telephone yawe igiye wayibuze cyangwa bayibye. Urebe video yose bityo ubisobanukirwe neza.
#Tipstime250 #findlostandroidphone
Dore uko wabigenza:
1. Icya mbere ugomba gukora ni ukujya muri Play Store ugashaka Application yitwa Google Find my device.
2. Uhita uyishyira muri telephone yawe (Install), ugashyiramo email yawe ya Gmail usanzwe ukoresha.
3. Igihe rero wabuze telephone yawe irimo iyi app biroroshye cyane kuyibona ndetse no kurinda amabanga yawe ayirimo.
4. Icyo ukora rero mu gihe wabuze telephone yawe, ujya kuri internet ukajya muri google ukandikamo www.android.com/find, ukinjiramo.
5. Iyo winjiyemo bahita bakwereka ubwoko bwa telefone yawe wabuze. Bahuga uburyo butatu wakorera telephone yawe wabuze.
6. Ubwa mbere ni ubugufasha kubona telephone yawe ukanze ahanditse Play Sound. Ushobora kuba wenda wayibuze uri munzu yagiye munsi y’intebe cyangwa utibuka aho wayirambitse. Icyo gihe iyo ukanze kuri Play Sound, telephone ihita isona cyane nubwo waba wari wayishyize muri silent mode. Isona mu gihe kingana n’iminota itanu kuburyo bigufasha kubona aho iri.
7. Uburyo bwa Kabiri ni ukushyiramo Ijambo ry’ibanga Password. Niba wenda wari wagiye nk’ahantu ukayihata utabizi cyangwa se bakayikwiba ukabimenya wahavuye icyo gihe ukanda ahanditse Secure Device. Bigufasha gushyiramo ijambo ry’ibanga kuburyo n’uwayitora cyangwa uwaba wayikwibye atabasha kurikuramo.
8. Uburyo bwa gatatu ni ugusuba ibintu byose biri kuri telephone yawe. Mu gihe utizeye ko telephone yawe uzayibona, ushobora guhita ukoresha ububdi buryo bwo gusiba ibintu byawe byose biri kuri telephone ukanda ahanditse Erase Device. Icyo gihe data zawe zose zihita zisibama bityo uwayikwibye akaba ntacyo yazikoresha.
Gusa ariko kugira ngo ubu buryo bukunde ni uko Application ya Google Find my device washyize muri telephone yawe igomba kuba ifunguye itazimije. Kugira ngo umenye ko ifunguye ujya muri Settings-Security -Find my device ubundi ukareba niba handitseho “On”. Buri gihe igomba kuba ifunguye.
Ещё видео!