Сенат комитетінің кеңейтілген отырысында Конституциялық кодекстің жаңа нұсқасы қаралды.
Мақсат – сот жүйесін жетілдіру, мемлекеттік символдарды орналастыру, Конституциялық кеңестің қызметі мен «Астана» халықаралық қаржы орталығының қызметін реттеу. Осы орталық туралы Конституциялық заң жобасында сақтандыру және банк қызметі, қаржылық технологияларды жетілдіру, электронды коммерция мен инновациялық жобалар бойынша орталықтың қызметін кеңейту көзделген. Заң жобаларын конституциялық заңнама, сот жүйесі және құқық қорғау органдары комитетінің мүшелері қолдап, құжаттарды палатаның қарауына жіберді.
Георгий Ким, ҚР Парламенті Сенатының депутаты:
– Сот жүйесі бойынша айтатын болсақ, заңға енгізілетін өзгертулер арқылы Жоғарғы сот төрағасының өкілеттілігін арттыру көзделген. Судьялар корпусының сапасын арттырып, олардың құзыретінің кеңейтілуі де орынды. Өйткені сот жүйесінде күрделі өзгеріс жүріп жатыр. Және «сотты әкімшілендіру» деген түсінікке нақты анықтама беріп отырмыз. Бұл – құқықтық реттеудің қажетті элементтері.
