Արարատ լեռան ձյունապատ սրտից
Հնչում է մի ձայն դարերի խորքից
Մասիսի ծոցում մի սիրտ բաբախում,
Զարկում է անվերջ հայ ազգին կանչում:
Դարձեք, ով հայեր, ողջ Հայստանում
Ձեզ նոր տապան եմ շինել երկնքում
Այսօր ներս մտեք Իմ եկեղեցին
Դարձեք ողջ ազգով, ժամն է վերջանում:

Արարատ լեռան կարոտած սրտից,
Հայոց աշխարհ է թռչում աղավնին,
Ավետիս սրտում, ձիթենին բերնին.
"Խաղաղություն քեզ", -- ասելու հային:
Դարձիր ազգս հայ, դարձիր անվարան
Արյուն, ջարդ, աղետ պիտի վերջանան
Ես քեզ կլինեմ վահան ու պաշտպան.
Դարձիր, քեզ կտամ խաղաղ Հայաստան:

Արարատ լեռան տխրամած սրտից,
Ելավ ծիածան Մասսի արցունքից,
Ամպեր սև ու հին ալ փարատվեցին,
Հայոց երկնքում աստղեր փայլեցին:
Դարձիր ազգս հայ, դարձիր լիովին,
Ես կսրբեմ քո արցունքները հին,
Սառած կյանքիդ ու վշտիդ փոխարեն,
Քեզ կպարգևեմ սիրուն ծիածան:

свернуть