ӨМҮР


Сөзү: Мелис Маматжанов
Обону: Түмөнбай Колдошовдуку
2014-жыл, 10-август

Токто өмүр, токто кайда шашасың,
Топук кылчы бул жолду да басасың.
Жүгөнүңдү тартып турчу азыраак,
Жок дегенде апам узак жашасын.

Өмүр өзүң тосмосу жок кашаасың,
Өргө карай канча белди ашасың.
Жип, аркандап тушап турчу туягың,
Жок дегенде атам узак жашасын.

Ээктен ылдый кулап түшкөн жаш таза,
Эх, балалык өттүң менден таптаза.
Мейман болуп өтөөрүмө өкүнбөйм,
Менин ырым менден узак жашаса.

свернуть