Lajme, #edicioniinformativ ora 23:30 data 27 Korrik 2024 #TvKlan #klanlajme
Spiker: Redi Prifti
Headlines 27 Korrik 2024
PS mbledh Kongresin Zgjedhor. Në fokus, lufta kundër korrupsionit dhe zgjedhja e Asamblesë së re
Partia Socialiste mbledh të dielën Kongresin Zgjedhor. Punimet do të ndahen në 3 sesione, me fokus të veçantë në punën e qeverisë, luftën kundër korrupsionit dhe zgjedhjen e 156 anëtarëve të Asamblesë, nga 350 që ka ky forum.
Zjarri te plehrat në Vlorë, Dredha: Po punojmë me intensitet për ta shuar. Zgjidhja vjen nga landfilli i Serishtës
Djegia e plehrave në Vlorë po vijon prej më shumë se dy ditësh. Kryebashkiaku Ermal Dredha thotë se punojnë me intensitet për ta shuar dhe zgjidhja e këtij problemi të përsëritur vjen me vënien në punë të landfillit të Serishtës.
Fllaka, plazhi i virgjër i Adriatikut. Mediat e huaja vijojnë t’i bëjnë jehonë Shqipërisë turistike
Plazhi i Fllakës në Durrës po tërheq gjithnjë e më shumë pushues të rinj, si një prej pjesëve të virgjëra të bregdetit të Adriatikut. Mediat e huaja vijojnë ndërkohë ta rekomandojnë Shqipërinë si destinacion turistik edhe këtë vit.
Europiani shtoi konsumin e birrës. Në qershor u importuan 5.6 tone më shumë se në Maj
Kampionati Europian i Futbollit shtoi konsumin e birrës edhe në Shqipëri, ku mijëra tifozë i panë ndeshjet në ekranin e Tv Klan në zonat e posaçme, lokale e shtëpi. Të dhënat flasin për shtim me 21 përqind të importit në krahasim me muajin maj.
Hezbollahu godet me raketa Izraelin, 11 civilë të vdekur dhe 19 të plagosur
Rriten tensionet në Lindjen Mesme. Hezbollahu lëshoi raketa në lartësinë e Golanit, duke lënë të vdekur 11 civilë dhe 19 të plagosur. Ndërsa më herët në Gaza nga sulmet e fundit izraelite u vranë në një shkollë 30 fëmijë, e u plagosën 100 të tjerë.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
