#مهدي_عليق #حيدر_البياتي
عباس قائد الجيش الإلهي
عباس مالفت غيره انتباهي
حيدر من حيدر
عالقادة تصدر
واحد بس عسكر
قائد الجيش الإلهي
سبحان السواه بكل موقف نلگاه
صاح الطف الله عينك أحله من السيف
ياجنة من آحساس سولفتك للناس
جنني العباس واقع اجمل من طيف
ضوه للظلام هوه للخيام
خلص الكلام يم الگمر
گمر بسماه نزل بضماه
صاح الفرات انت النهر
هوه الثبات هو الحياة
هو القضاء هو القدر .. بيده
يا ناس ماكو انسان بجماله
يا ناس الجنة غارت من خياله
روحي العاشكته
تحجي بسالفته
بالطف مرتبته
قائد الجيش الإلهي
يا عين الزهراء اسمك سر الماء
عين ولام وياء حرزك چان بعاشور
يا ابن القران يا خاتم سلمان
يالجودك طوفان وانفاسك نفخة صور
قمر الطفوف والكل يشوف
عدد الالوف يمك صفر
شهم وشجاع امرك مطاع
قلمك حسام دمهم حبر
هله بالكفيل هله بالاصيل
هله باليكول كعبة الخدر .. عندي
انفاس انت للخوه الاصيلة
انفاس للمخيم والعقيلة
ما تعطش روحه
غيمة وشيلوحه
كاتب إطروحه
قائد الجيش الإلهي
خطواتك قانون بكل خطوه يرجفون
من تحچي يسكتون هيبة وغير انت الشيخ
يا جنة و يا نار خزراتك إنذار
عينك من تندار يرجف حتى التاريخ
بطل النزال اسد القتال
عندك محال تخسر حرب
رجف الفرات حس بالممات
يدري الاجاه فارس صعب
ملك الطفوف ملك السيوف
ملك الرجال ما ينغلب .. سيفه
ينقاس سيفك بفقار ابو تراب
ينقاس جفك بجف قالع الباب
عن سيفك راضي
الحاضر والماضي
مرتبتك قاضي
قائد الجيش الإلهي
يا بيرغ ما طاح قباض للأرواح
ملك الموت ارتاح ماخذ دوره العباس
موت احمر يمناك والكوثر يسراك
يمشي الخير وياك من تمشي بين الناس
نفس الحسين ابو ريشتين
اسمك جبير يا ابا الفضل
چان اللواء في كربلاء
بلغة الخيام همزة وصل
علي من يصول علي من يجول
علي من يگول كول وفعل .. حيدر
عالراس رايتك تمشي ويه ريحك
عالراس خوذتك گبة ضريحك
يالمنطي حجايه
مخلوق الغاية
كاتب عالراية
قائد الجيش الإلهي
ضل عايش ما مات والرايد إثبات
تكضيها الحاجات لو دك بابك محتاج
يالتنطي بجفين منطيهن لحسين
شفناهن بالعين ملبس خدامك تاج
اليجي للضريح يمك يصيح
عندك دخيل يابو الوفة
يمك اجيت بيك انتخيت
وادري اليجيك بيك اكتفه
انت القريب انت الحبيب
انت الطبيب وانت الشفه .. ابو فاضل
ينباس جفك وجف اليزورك
ينباس ترابك البي اثر نورك
شفته بوجداني
فارس رباني
من عالم ثاني
![](https://s2.save4k.ru/pic/f4WecqxLf8E/maxresdefault.jpg)