Është ky 38-vjecar nga Berati, Gëzim Kica i cili rezulton i humbur që prej datës 10 mars të vitit 2008. I riu nga Berati la shërbimin ushtarak nje muaj pasi e dërguan në Vlorë dhe më pas njoftoi familjen se ndodhej në shtetin grek. Në tokën helene kishte emigruar që kur ishte ende një 22 vjecar bashkë me të vëllanë. Nga mali ilegalisht kishin kaluar kufirin, ndërsa punonin në sektorit e ndërtimit. 9-muaj më pas Gëzimi njofton të vëllain Oltin, se do të largohej për të bërë udhërrëfyesin e grupeve të refugjatëve të tjerë. Ky i fundit qëndron në Greqi, ndërsa Gëzimi kthehet drejt Shqipërisë. Në këtë kohë 38- vjeccari komunikon në telefon me të vëllanë duke i kërkuar para për pasaportën. Olti i dërgon 100 eurot e kërkuara në bankë. Gëzimi kishte filluar të merrej me trafik klandestinësh, për të cilët qendra ishte Janina dhe më pas shpërndarja nëpër fshatra përreth.Në këtë kohë 38-vjeccari pikaset nga policia dhe bën 45 ditë burg në Prevezë. Pasi doli nga burgu me detyrim paraqitje, ai kthehet në Berat, qytetin e tij të lindjes. Për të gjitha lëvizjet e tij personi të cilit ai i tregonte gjithcka ishte kunati, Taulandi. Në telefonatën e fundit bërë më 10 mars të vitit 2008, Gëzimi i pohon këtij të fundit se po shoqëronte një grup prej 100 refugjatësh. Që nga ky moment nis kalvari i gjatë i kërkimeve dhe pritjeve në gjurmët e 38 vjecarit, që sot rezulton i humbur.

свернуть