#APATV #RubenVardanyan #Xankəndi #ermənilər #milyarder #OCCRP #Azərbaycan #Qarabağ #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023 #canlıyayım #apacanlı
Xankəndidəki ermənilər milyarderin əsirinə çevriliblər – APA TV
Xankəndi bir həyasız seperatçıdan canını qurtarmamış digər bir həyasız separatçının havasına düşüb. Qarabağa ayaq açan, son vaxtlar tez-tez adı çəkilən Ruben Vardanyan adlı bu şəxs kimdir? Hələlik, ilk təqdimatı belədir - Xankəndidəki separatçı rejimin qondarma naziri.
Bu ad bir çox azərbaycanlıya yad olsa da, 2018-ci ildə Forbes jurnalı tərəfindən ən zəngin rusiyalıların siyahısında 99-cu yeri tutub.
Vardanyanın adı çəkiləndə ilk olaraq Rusiya ağıla gəlir, onun Kremlin adamı olması ilə bağlı müxtəlif iddialar var. Ancaq Rusiyanın xarici işlər naziri Sergey Lavrov müsahibələrinin birində Vardanyanın Moskva ilə heç bir əlaqəsinin olmadığını bildirib.
Beynəlxalq mediada Vardanyanın sonuncu dəfə adı 2020-ci ildə Beynəlxalq korrupsiya araşdırmaçı təşkilatı-OCCRP və Litvada dövlət prokurorlarının araşdırmalarında hallanıb. Dərc olunan materiallara əsasən Kreml rəhbərliyinin göstərişi ilə Vardanyanın rəhbərlik etdiyi “Troyka” şirkətindən Kremlə yaxın digər milyarder Sergey Rolduginin hesabına 70 milyon dollar köçürülüb. Qeyd olunub ki, “Troyka” ilə bağlı bu əməliyyat ilk və son deyil. Digər məlumata görə 4,6 milyard dollar Rusiyaya məxsus bank şəbəkələrindən və Litvada hesabları olan 70 ofşor şirkətdən Avropa və ABŞ-dakı müxtəlif hesablara göndərilib. Litva prokurorluğunun məlumatına görə Moskva vergi idarəsindən oğurlanan 230 milyon dollar da ofşor şirkətlərə göndərilib. Qeyd olunub ki, əldə olunan oğurluq pulların 3,2 milyon dollardan çoxu “American Express” kartı vasitəsilə Vardanyanın həyat yoldaşına və ailəsinə məxsus hesablara köçürülüb. Təkcə bu pullar üç övladının İngiltərədəki təhsil haqqının ödənilməsinə sərf edilib. Maraqlıdır, bu qədər var-dövləti, milyardları olan, Rusiya oliqarxlarının pullarını ofşorlara daşıyan birinin Qarabağda nə işi var? Barıt iyi hələ çəkilməyən bölgəyə milyarderi hansı səbəblər gətirib? Məcburiyyət, şantaj yoxsa yeni maxinasiyalar? Hər halda kluarlarda bütün bu variantların hamısı səslənir.
İndiyədək az qala bütün dünyaya “Qarabağda humanitar və aclıq terroru” baş verir deyən saxta nazir bugünki açıqlamasında dialoqa hazır olduğunu bildirib. Bu açıqlamadan bir qədər əvvəl isə Azərbaycanın dəmir yumruğunu dadmış Ermənistanın baş naziri Nikol Paşinyan hökumət iclasındakı çıxışında Qarabağdakı separatçıları vəziyyəti daha da gərginləşdirə biləcək bəyanatlardan çəkinməyə çağırıb. Deməli, Paşinyan, Vardanyankimilər başa düşməyə başlayıb ki, rəsmi Bakı ərazi bütövlüyü məsələsində heç bir güzəştə getməyəcək. Onun çıxışındakı bəzi nüansları diqqətinizə çatdırmaq istəyirik.
"Biz Bakı ilə dialoqa hazırıq, reallığı qəbul etməliyik və bizim 3 yolumuz var: ya Azərbaycanın tələblərinə tabe olmaq, ya Artsaxdan çıxmaq, ya da problemdən digər çıxış yollarını axtarmaq. Biz öz torpağımızda yaşamaq hüququmuz üçün mübarizə aparırıq və bu, Ermənistanın rəsmi mövqeyindən fərqlidir".
Əslində rəsmi Bakı da dəfələrlə Qarabağdakı Azərbaycan vətəndaşı olan ermənilərin hüquqlarının tam təmin ediləcəyi barədə açıqlamalar verib. Üstəlik, ölkə başçısı son müsahibəsində bunu açıq və dəqiq səsləndirdi.
Yəni ki, ya Azərbaycan qanunları ilə yaşayacaqlar, ya da ki, yol açıqdır.
Onu da qeyd etmək istəyirik ki, Vardanyanın kimliyi, onun Avropa və Rusiyada maliyyə maxinasiyaları eləcə də, “landromat”lığı, yəni rus oliqarxlarının çirkli pulları yuma fəaliyyəti o cümlədən, Avropanın bir çox ölkələrindəki daşınmaz əmlak və digər biznesləri barədə də hələ çox silsilə sujetlər dərc ediləcək.
Kabab iyinə gələn Vardanyanın, görəcək günləri var! Xankəndiyə gətirilən hava Şimaldan yoxsa Qərbdən gəlib, bunu da ayırd etmək uzun çəkməyəcək.
✅ Rəsmi saytımız: [ Ссылка ]
✅ Rəsmi facebook səhifəmiz: [ Ссылка ]
✅ Rəsmi instagram səhifəmiz: [ Ссылка ]
✅ Rəsmi twitter səhifəmiz: [ Ссылка ]
✅ Rəsmi teleqram səhifəmiz: [ Ссылка ]
✅ Rəsmi youtube kanalımız: [ Ссылка ]
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv
