Subscribe në Ora News këtu [ Ссылка ]
Dy deputetët e PD, Enkelejd Alibeaj dhe Ervin Salianji së bashku me këshilltarin ligjor Gazmend Bardhi u paraqitën sot në Prokurori për të dëshmuar në lidhje me audio përgjimin e vëllait të ministrit të Brendshëm, Agron Xhafaj.
Pasi doli prokuroria Bardhi tha se kishte dëshmuar dhe dorëzuar materialet që kishte bërë dhe publike lidhur me lidhjet e Agron Xhafajt me trafikun e drogës. Ai i bëri thirrje prokurorisë të fusë hetimet në rrugë ligjore pasi deri tani prokuroria nuk ka marrë pyetje Agron Xhafën dhe as kryeministrin, dy persona që, sipas tij duhej të ishin të parët që të pyeten.
Gazmend Bardhi: "Jemi para një rasti të dokumentuar për abuzime me shtetin për llogari të një veprimtarie kriminale të vëllait të ministrit të Brendshëm. Nuk është marrë në pyetje Agron Xhafaj por ne që denoncuam. Do bashkëpunoj me drejtësinë sa herë të mundem.
Nuk mund të rri pa shprehur shqetësimin tim... shtetasi i dyshuar për trafik droge, që është vëllai i ministrit të Brendshëm nuk është marrë në pyetje por jemi marrë ne që e denoncojmë rastin. Nuk është marrë në pyetje akoma kryeministri, që ka krijuar një alibi publike ndaj vëllait të ministrit të Brendshëm, se gjoja zëri në materialin audio nuk është i Agron Xhafajt por ndërkohë nuk ju bën ju me dije, dhe besoj se ju nuk e keni aktin e ekspertimit dhe prokuroria duhej të kishte sekuestruar këtë material privat, siç e quan kryeministri, sepse është një e dhënë që ndihmon hetimet.
Prandaj thirrja ime ndaj prokurorisë është të fusë hetimet në drejtimin e duhur që i ngarkon ligji.
Deputeti Salianji mbante një letër ku shkruhej "Unë nuk jam Ervin Salianji".
Ndërkohë Prokuroria ka thirrur edhe gazetarin Jetmir Olldashi, pasi kërkon edhe pajisjen që realizoi audio përgjimin.
Prokuroria i kishte thirrur të enjten e shkuar zyrtarët demokratë por për shkak të angazhimeve të tyre me seancën plenare, orari u shty.
Të martën, (15 maj) oficeret e policisë gjyqësore morën audio-përgjimin e publikuar dhe kanë nisur hetimet për verifikimin e saj.
Në audio përgjim PD pretendon se vëllai i Fatmir Xhafës, Agron Xhafaj, bën pazare me një person tjetër për trafikun e drogës.
Për më shumë lexoni në:
[ Ссылка ]
![](https://i.ytimg.com/vi/fah1-D_6sxA/maxresdefault.jpg)