#pagjurme #odetadume #reportTV Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv
Bledar Leka është 37-vjeçari nga Berati, i cili prej 8 muajve nuk ka asnjë kontakt me vajzën e tij të mitur. Në bisedat e fundit telefonike që ka pasur me të bijën, ai dyshon se jeta e saj me nënën në Francë është në rrezik.
Por çfarë ka ndodhur mes Blëedar Lekës dhe dhe vajzës së tij Hajlina?Si janë ndarë babë e bijë?
Në vitin 2011 Bledar Leka u njoh me vajzën nga Lushnja, Eneda Beqirin me shkuesi. Një martesë që në fillimet e saj ka qene e lumtur dhe ne jete erdhi bekimi i tyre i parë vajza, Hajlin. Konfliktet e para mes bashkëshortëve nisen kur Bledari hapi një biznes të përbashkët familjar në Berat. Eneda ishte më e ftohtë dhe distante nga bashkëshorti i saj dhe sipas Bledarit kishte harruar edhe përgjegjësinë e nënës ndaj të voglës së tyre. 37-vjeçari më vonë kuptoi se bashkëshortja e tij kishte filluar një lidhje dashurie me një burrë tjetër. I tronditur nga lajmi i tradhëtisë, Bledari nuk ia fal Enedës dhe i drejtohet gjykatës për të zgjidhur martesën e tyre.
Divorci i çiftit u finalizua në vitin 2020 dhe kujdestaria e vajzës iu përcaktua nënës, Eneda Beqiri, ndërsa babai kishte të drejtat e takimit dhe pensionin ushqimor. Vajza në takimet me të atin i tregonte se nëna ushtronte dhunë ndaj dhe jetesa me te ishte e bërë e vështirë. 37-vjeçari i drejtohet gjykatës për të fituar kujdestarinë e Hajlin. Gjykata vendosi të drejta të plota për rritjen dhe edukimin e të miturës asokohe babait dhe Eneda pensionin ushqimor prej 12.000 mije lekë të reja në muaj dhe të drejtat e takimit dy herë në muaj.
Eneda së bashku me bashkëjetuesin e saj u zhvendosën në Francë. Ajo i kërkoi ish-bashkëshortit të merrte dhe vajzën. Edhe pse i ati nuk ishte dakord, ai arriti të firmorste prokurën me të drejtë kthimi pas 3 muajsh. Ish-bashkëshortja nuk e mbajti fjalen dhe Hajlin prej 8 muajsh nuk është kthyer në atdhe te babai i saj. Vajza adoleshente nuk jeton as me nënën e saj, pasi prej disa muajsh është e strehuar në një qëndër sociale në Francë. Bledar hedh akuza ndaj ish-bashkëshortes se po përdor vajzën për të fituar dokumentat franceze, ndërkohë që Hajlin i lutet babait në lot të kthehet në Berat pranë tij.
![](https://s2.save4k.ru/pic/ff09OxFRu5c/maxresdefault.jpg)