Kas panangilagip iti Nangina nga Aldaw wenno Holy Week, nangaramid ti Gobierno Probinsial ti Ilocos Sur iti altar iti sango ti kapitolio iti siudad ti Vigan. Adda met naiset-up nga speaker a no sadino a diretso a maipatpatokar dagiti recorded a leksio (pasyon). Malaksid iti ipaay daytoy a solemnidad iti pannakalagip iti pannakapapatay ni Hesukristo, maysa daytoy a wagas ti lokal a gobierno a mangbiag iti daytoy a tradision. Kas iti dung-aw, bassiten ti makaammo wenno mangisaysayangkat iti tradision a panagkanta iti leksio tunggal Semana Santa uray pay ditoy Ilokandia gapu ta kasla awanen interes dagiti ubbing ken agtutubo iti daytoy ket dagiti laengen nabatbati a nataengan ti makaammo iti daytoy.(Mancielito S. Tacadena)
Ещё видео!