Dy bombardues strategjikë amerikanë janë përfshirë në një përplasje të tensionuar në qiellin mbi detin Baltik, me një avion luftarak rus. Qendra kombëtare e kontrollit të mbrojtjes, që është pjesë e ministrisë ruse të mbrojtjes, tha se bombarduesit B-1B po fluturonin drejt kufirit rus. Sipas qendrës, radari rus pikasi dy avionët që fluturonin mbi detin Baltik duke iu afruar kufirit të rusisë. Një avion luftarak Su-27 nga flota e baltikut, u ngrit në fluturim. “Ekuipazhi i avionit rus klasifikoi shënjestrat ajrore si dy bombardues strategjikë B-1B të forcës ajrore amerikane, dhe u vendos në pozicion vëzhgimi. Pas largimit të avionëve të huaj ushtarakë nga kufijtë shtetërorë të federatës ruse, avioni u kthye në bazë”, tha qendra. Më 21 mars, një avion rus Su-35 u ngrit për të ndjekur dy bombadues të tjerë strategjikë amerikanë që po ashtu fluturonin mbi detin Baltik. Avionët u identifikuan si dy bombardues strategjikë amerikanë B-52 që fluturonin në drejtim të kufirit shtetëror të federatës ruse – tha ministria ruse e mbrojtjes. Para se B-52-shat amerikanë të shoqëroheshin nga avionët e vladimir Putinit, një foto i tregonte ata nën shoqërinë e F-16ave polakë mbi Baltik. Dhe kjo ndodhi pasi një avion luftarak rus, lëshoi karburant mbi një dron Reaper amerikan, para se të përplasej me të mbi Detin e Zi. Droni po fluturonte pranë krimesë së aneksuar nga rusia dhe vijës së frontit në ukrainë. Moska mohoi që avionët e saj kishin ndërvepruar me dronin dhe insistoi se ata nuk kishin qëlluar për ta rrëzuar atë, cka edhe do të kish qenë një akt lufte. Zona ka parë aktivitet intensiv ushtarak të NATOS dhe është pranë vijave ukrainase të frontit.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#SHBA#Rusi
![](https://s2.save4k.ru/pic/ffyViQxs-Fg/maxresdefault.jpg)