Համայնքի ղեկավար Հակոբ Շահգալդյանն երեկ աշխատանքային այցով Արզական գյուղում էր: Վարչական ղեկավարի, գյուղից ընտրված ավագանիների և համայնքապետարանի աշխատակիցների հետ Հակոբ Շահգալդյանը քննարկեց գյուղում առկա ամենակարևոր խնդիրները: Առաջինը ջրամատակարարումն է: Գյուղում ջրամատակարարումն օրական մի քանի ժամ է, կորուստները շատ են, ջրաչափեր տեղադրված չեն: Քննարկման ընթացքում որոշում կայացվեց նախևառաջ իրավաբանական անձանց կողմից /հատկապես Աղվերանում տեղակայված հանգստյան տներում/ ջրաչափեր տեղադրելու մասին: Համայնքի ղեկավարը հանձնարարեց ուսումնասիրել ջրամատակարարաման ցանցը, նվազեցնել կորուստները ՝ գյուղին նորմալ ջուր մատակարարելու համար: Մյուս հարցը կանոնավոր աղբահանությունն էր: Ինչպես Չարենցավան քաղաքում, այնպես էլ գյուղերում պետք է տեղադրվեն աղբամաններ և կատարվի աղբահանություն՝ մեկ շնչի համար 150 դրամ վարձավճարով: Ֆանտան գյուղում երեկ արդեն աղբամանները տեղադրվեցին «Բարմաք» ընկերության աշխատակիցների կողմից, Արզականում ևս շուտով աղբամաններ կտեղադրվեն: Իսկ համայնքի ղեկավարի հաջորդ հանդիպումը կլինի Ալափարս գյուղում՝ փետրվարի 14-ին, ի դեպ բնակիչները ևս իրենց հուզող հարցվերով կարող են այդ օրը հանդիպել համայնքի ղեկավարի հետ:
![#2 Witchblade Fantasy Fashion Armor Comic Cosplay [Ai 4K] #witchblade #witchblades #art #cosplay](http://i.ytimg.com/vi/a_kuQFqwt94/mqdefault.jpg)
