Ал, осы саяси науқанға қатысқан өзге бес кандидат Қасым-Жомарт Тоқаевты жеңісімен құттықтады. Олар мұнымен тоқтап қалмаймыз, халыққа берген уәдемізді орындаймыз деп отыр. Сайлауда бақ сынаған кандидаттар сайлау нәтижесін қалай қабылдады? Әріптесім Аршат Әділжанқызы айтсын.
Бұл Қасым-Жомарт Тоқаевтың жақтастарымен бірге экзит пулдың нәтижесін тыңдап тұрған сәті. Қасым-Жомарт Тоқаев өзінің жеңісті сәтін аса сабырлықпен қабылдады. Ал тілеулестері болса дән риза. Жақтастарына алғысын білдірген Президент сайлау заңға сәйкес ашық, әділ өтті. Үміткерлерге де тең мүмкіндік берілді, ешқандай шектеу болған жоқ дейді.
Қасым-Жомарт Тоқаев, ҚР Президенті:
– Жаңа саяси дәуірге кірістік. Біз мықты мемлекетімізді құрамсыз десек ең алдымен әділеттікті орнатуымыз керек. Әділтесіз елімізде ешнәрсе болмайды. Ешқандай реформа болмайды, ешқандай өзгеріс болмайды. Сондықтан бәріміз осы жұмысқа бір ұжым болып, бір ұлт болып, бір қоғам болып бастайық бұл жұмысты.
Ал, ауыл мен ауылшаруашылығының жайын айтып жүрген Жигули Дайрабаев та Екзит туплдың нәтижелерін жақтастарымен бірге тыңдады. Саяси бәйгедегі екінші орынға көңілдері толды ма, әйтеуір "ауылдықтар" риза. Ал, Жигули Дайрабаев болса бұнымен тоқтап қалмаймыз дейді. Ары қарай да аграрлық сала мен ауылдың болашағы үшін жұмысымызды жалғастыра береміз деген ол өмірін осы салаға арнамақ екен.
ЖИГУЛИ ДАЙРАБАЕВ, ҚР Президенттігіне бұрынғы кандидат:
– Саяси науқанда айтылған бағдарламамыз тек сайлаумен тоқтамайды. Бағдарламамызды ары қарай жүзеге асырып, қарапайым халықтың жағдайын жақсарту үшін бүкіл күш-жігерімді, өмірімді арнаймын.
Қарақат Әбденнің "асығы алшысынан түсті". Ол үздік үштікке ілікті. Қарақат Әбден Президент сайлауына қатысу үлкен мәртебе мен жауапкершілік дейді. Ол өзін арандатпақ болғандардың кездескенін айтады.
ҚАРАҚАТ ӘБДЕН, ҚР Президенттігіне бұрынғы кандидат:
– Әдейі арандатушылықпен айналысқан блогерлердің заңсыз әрекеттері де менің көздеген бағытымды өзгерте алған жоқ. Көш жүре түзеледі демекші бұл мәселеде өзінің шешуін табуы керек. Шектен тыс шығып кеткендерді заңды жолмен жауапқа тартуды жоспарлап отырмын.
Мейрам Қажыкен Қазақстан халқы өз таңдауын жасады және мұны мойындау керек дейді. Жақтастарына алғыс білдірген ол саясатта қалатынын айтты. Сондай-ақ, Мейрам Қажыкен "Ынтымақ" партиясын құрып, өзінің бағдарламасын жалғастыра бермек.
МЕЙРАМ ҚАЖЫКЕН, ҚР Президенттігіне бұрынғы кандидат:
– Маған, бағдарламама сенген жұмысшыларға, студенттерге, зейнеткерлерге мың алғысымды білдіремін. Менің бағдарламам өзекті болып қала береді және оны жалғастырамын.
Оппозициядан жалғыз кандидат болған Нұрлан Әуесбаев та ауқымды жұмыс атқарған командасына және партияға үміт артқан халыққа дән риза. Айтуынша, өңірлерді аралауға, бағдарламасын жіті таныстыруға уақыт аз болған.
НҰРЛАН ӘУЕСБАЕВ, ҚР Президенттігіне бұынғы кандидат:
Уақыт жағы аздау болды. Әйтпесе, бұдан да ауқымды үгіт-насихат жұмыстарын жүргізіп, халықтың қалын жігін қамтушы ек.
"Әр кандидаттың өз жеңісі бар",- дейді Салтанат Тұрсынбекова. Ол өзін саясаткер әйел мәртебесін жаңа деңгейде көрсеттім деп санайды. Және сайлаушыларға берген барлық уәдемді орындаймын деп отыр. Одан бөлек, Қасым-Жомарт Тоқаевқа жан-жақты қолдау көрсетуге дайынмын деп мәлімдеме жасады.
САЛТАНАТ ТҰРСЫНБЕКОВА, ҚР Президенттігіне кандидат:
– Сайлауалды бағдарламамның арқасында кемсітушілік пен зорлық-зомбылықты жою мәселелері күн тәртібінен түскен жоқ. Мен әрбір сайлаушының жүрегіне жол тапқаныма сенімдімін. Және қазір тікелей эфирді пайдалана отырып, халыққа берген барлық уәделерімді орындайтынымды тағы да бір рет айтқым келедіАйта кетейік, Президент сайлауында бұл жолы алты кандидат бақ сынаған болатын
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#Сайлау #ПрезидентСайлауы #КезектенТысСайлау #ВыборыКазахстан #Выборы2022 #Тоқаев #Дайрабаев #СаясиДода #СаясиНауқан
![](https://i.ytimg.com/vi/fiQtX9-G6lQ/maxresdefault.jpg)