تبقى بلادنا بالحمام مسيجه ..
و يضحك عـ هـ العلوات غيم بنفسجي ..
و لما على بنياتها يهب الهوا ..
يصير الهوا عـ بوابهن يروح و يجي ..
وتبقى بلادنا تضحك بهاك المدى ..
و إبقى أنا والليل نمشي عـ الهدا ..
يقلي أنا رح عتم الدنيي عليك ..
تـ العندهن توصل ما يشوفك حدا ..
وردة عين الصواني ما شاء لله شو حلياني ..
لونا الزهر مبكي النهر من القهر و مش درياني ..
و لونا الزهر مبكي النهر و يمضى الشهر و بعد الشهر ..
بتتذكرني قبل الضهر و بعد الضهر بتنساني ..
في وردي عاسياج النوم غرقاني صحاها اللوم ..
عطرا فاح بأول يوم إنقطفت باليوم التاني ...
أوف قالي في حلوي بهـ الفيي كتبتلا إسما عالمي ..
وسما الجيري و سما الحي و لولا شويه سماني ..
ـ مين اللي فتح الردي؟!
ـ أنا اللي فتحت الردي !!
ـ و ليش الردي عاوردة؟
ـ بالصدفي قلنا وردة !!
ـ قربت توصل وردة !
ـ أيه قربت توصل
ـ مين؟
ـ وردة !
ـ إنتزعت السهرة
ـ هالحكي من قلبك؟
ـ إيه إيه من قلبي ,, وردة بتوصل من هون .. أنا بفركها من هون ..
ـ ولوه شو هالقسى بعدك مزاعلها ..
ـ عـ طول مزاعلها .. عـ العمر مزاعلها .. ومطرح ما بتكون أنا ما بكون ..
ـ يا خسارة الحب ،، يا خجلة الأمل ،، تهرب الإيام تخلص بلا أمل ، و تبطل وردة تكون ، راية البرج ونجمة التلج غنية الحسون ...
ـ هيدا كان من زمان ..
ـ يا أسف الليل مضي وقت السهر ،، و تبقى وردة تنام عـ شباك السهر ،، وتبطل وردة تكون وردة الورد .. زهرة التل عصفورة أيلول ..
ـ هيدا كان من زمان !!
ـ ولما عبدو اطلع بوردة مين هجم عـ عبدو ؟!
ـ أنا !!
ـ ولما بردت مين شلح الكنزي و لبسها لوردة ؟!!
ـ أنا !!
ـ ومين كان بدو يرمي حالو عاسطح البلدية ،، كرمال الوردة الجورية ؟!
ـ أنا أنا !!
ع سطح البلدية.. لو ما يتهدوا فيي .. كانت راحت عليي ع سطح البلدية ..
كانت بكيت شويية و نسيتني من عشية .. لو ما كبر عقلاتي ع سطح البلدية ..
ويا هيك القمارية المنسية و مش منسية .. بعدك قصة مكتوبة ع سطح البلدية ..
ـ تذكر !
ـ أووف !
كبر العنقود و خلص العنقود
وبعدن عم يبكوا بقلبي عينيها السود
كنا نتلاقى تبقى مشتاقة
لفتة حراقة للدمع تجود
و نبقى نتخبا بليل الأحبا
مدري يا قلبا بشو موعود
ـ أنا وياها تزاعلنا .. مدري كيف تزاعلنا !
ـ ليش إتزاعلتو على شو ؟!
ـ مدري كيف تزاعلنا !!
ـ مش فايق ليش و على شو ؟!
ـ فايق إنو تزاعلنا !!
ـ بيقولوا بكتب الهوى اللي بيحب ما بينسى ..
ـ بيقولوا بكتب الهوى ع البعد القلب بيقسى ..
ـ بيقولو بالقصايد عن حال العشاقيين .. شوقن بيضلو زايد ..
بيضلوا مشتاقيين .. إلا ما بيتلاقوا سوا ما بتهدى نار الهوى ..
ـ هلئ وردة جاية تسهر لا هي زعلانة و لاشي ..
ـ إذا وردة إجت تسهر بترك السهرة و بمشي ..
ـ ما بيصير تروح
ـ رح روح
ـ ما بيصير تروح
ـ رح روح
ـ ما بيصير تروح
ـ رح روح
ـ إجت وردة
ـ سعيدة سعيدة ..
ـ أهلا بوردة ..
ـ ليلة سعيدة ..
ـ قعدي يا وردة ..
ـ ما بيسوى روح هلق كرمال الموجودين ..
ـ كيف حالك يا وردة ؟!
ـ مليحة
ـ و لوه صوتا شو حنون ..!!
ـ ليش واقف إقعد
ـ إيه إقعد
ـ إيه نقعد
ـ والسهرة سهرة الحب
ـ دار الدوري عالداير يا ست الدار
و حامل هالقصة و داير داير من دار
يا فراشة هاك الجيرة خصرك ممشوق
بقرب صوبك بتطيري شم ولا تذوق
بات السكر بمحلو سعرو منهار
لمة بسماتك هلو غلو الاسعار
![](https://i.ytimg.com/vi/fsxvzGpFSM0/mqdefault.jpg)