Guturuka mu bihe bya kera amateka ya muntu mu Isi yaranzwe n’intambara kuva igihe abantu bahisemo gutura hamwe bakarema imidugudu ikaza guhindukamo imijyi ikomeye kugeza ibaye ubwami bukomeye bwagerageje kwigarurira Isi guhera ku bwami bukomeye bwa Babuloni;abaperesi;abagiriki ukageza ku baromani baraze Isi uburyo bwa Gisirikare n’ubuhanga bwo gukora intambara bugikoreshwa no mu Isi yo muri ibi bihe.Intambara zagiye zizana impinduka zikomeye mu mibereho y’abantu hashingiwe kubyagiye bivumburwa kugirango abantu babashe kwerekeza Intsinzi ku ruhande babaga bariho.na none mu ntambara hagiye hagaragaramo ibikorwa by’ubutwari bukomeye byabaga byateguranywe ubuhanga kandi bikagera ku ntego ariko bitanabujije ko hari ibyagenze nabi maze ibyo bikorwa bigahusha intego bigatandukira. Hagiyeho habaho za Operations zikomeye akenshi zabaga zigamije kurokora cyangwa gutabara abantu babaga bari mu byago.mu mateka hari Operations zagiye zikorerwa kubutaka bw’U Rwanda inyinshi murizo zakozwe n’ibihugu by’amahanga guhera mu mwaka wa 1990 ubwo hatangiraga intambara yo kubohora igihugu mu kwezi kwa cumi muri uwo mwaka itangijwe n’ingabo za RPA Inkotanyi. Abenshi bakoze izo operation zikanamenyekana ni igihugu cy’ubufaransa mu ibikorwa byinshi bwoherejemo ingabo zabwo mu Rwanda . Reka tugire ibyo tugarukaho byumwihariko ku makuru menshi ajyanye na za Operations zakozwe n’izingabo z’Ubufaransa ushobora kuba utaramenye cyangwa wamenyeho amakuru makeya adahagije na none kandi turanagaruka ku makuru za Operation zibindi bihugu zabereye mu Rwanda .uyu munsi turagaruka kuri Operation Amaryllis yakozwe n’ingabo z’ubufaransa ndetse na Operation Silver Back yakozwe n’ingabo z’ububiligi .byose ni mu kiganiro IBYAHISHWE ukurikira ku Ntsinzi TV iki uwakiguteguriye ni BIZIMANA Christian naho jye wumva ugiye kukikugezaho ndi Prudence NSENGUMKUKIZA.Mbahaye ikaze. Ku itariki ya 07 mu kwa kane mu 1994 nyuma y’amasaha make cyane indege ya Perezida HABYARIMANA irashwe hahise hatangira Jenoside yakorewe abatutsi guturuka uwo umunsi n’iminsi ijana yakurikiyeho hishwe abasaga miliyoni imwe b’Abatutsi ndetse n’abahutu n’abanyamahanga bazize kuba batari bashyigikiye uwo mugambi wa Jenoside si abo gusa bazize impamvu zifite aho zihuriye na Jenoside kuko hari n’abazize kuba barashakanye n’abatutsi’kuba barahishe abatutsi ;kuba barasaga nabatutsi nibindi bitandukanye.Jenoside yakorewe abatutsi imaze gutangira ibihugu bitandukanye ndetse n’imiryango mpuzamahanga n’ibigo by’ubucuruzi byaribifite ibikorwa mu Rwanda byahise bifata icyemezo cyo gucyura abaturage n’abakozi babyo bari mu Rwanda;ibihugu bitandukanye nka Canada;leta zunze ubumwe z’amerika;ubutaliyani ;ububiligi;ubufarnsa ndese n’ibindi bitandukanye byagize ubufatanye mu bikorwa bya Gisirikare byari bigamije gucyura abaturage babyo. Nka Leta zunze ubumwe z’amerika zafashe abakozi bazo bakoraga muri Ambasade yabo I Kigali barahungishwa berekezwa mu majyepfo y’igihugu bagana I Burundi ahari abasirikare baba marines babanyamerika bahise babahungisha babajyana iwabo gusa mu bakozi bambutse umupaka bagana I Burundi nta mututsi warurimo .abakozi babatutsi bakoraga muri Ambasade y’amerika I Kigali bangiwe kwinjira mu modoka zajyanye bagenzi babo bakoranye igihe kirekire maze basigara ku nyubako ya ambasade biteguye ko bashoboraga gupfa isaha n’isaha nyamara mbere yaho gato batekerezaga ko bashobora gufashwa n’umukoresha wabo w’imyaka myinshi Igihugu cy’ububasha n’ubushobozi buhambaye mu Isi Leta zunze ubumwe z’amerika. Ibindi bihugu by’Ubufaransa n’ububiligi byazanye ingabo zabyo mu Rwanda mu ma Operation Amaryllis na Operation Silver Back ngo bicyure abaturage babyo bari mu Rwanda ndetse nabandi banyamahanga bari mu Rwanda. Reka duhere kuri Operation Amaryllis y’ingabo z’igihugu cy’Ubufaransa. Mu mwaka wa 1994 u Rwanda cyari kimwe mu bihugu by’afurika yo munsi y’ubutayu bwa Sahara cyari gituwemo n’abafaransa benshi;abenshi muri aba bakoraga muri ambasade yabo mu Rwanda utirengagije no kuba harabakoraga mu mishinga y’Ubufatanye yari hagati y’u Rwanda n’ubufaransa (les Projets Cooperation Francaise) abandi bakoraga mu miryango mpuzamahanga n’amashami y’umuryango w’abibumbye atandukanye yakoreraga mu Rwanda;hari abafaransa bari batuye mu Rwanda bageze naho bashaka abanyarwanda n’abanyarwandakazi bararemye imiryango.Jenoside yakorewe abatutsi itangiye Leta ya Paris yahise ifata icyemezo cyo gucyura abaturage bayo mu gikorwa cya gisirikare cyiswe Operation Amaryllis.

#IntsinziTV #OperationAmaryllis
NIBA UKUNDA IBIGANIRO BYACU KORA SUBSCRIBE

свернуть