Një dokumentar i mbushur me emocione, dhimbje dhe dashuri njerëzore i regjisorit Folco Terzani është dhënë mbrëmë në Galerinë Kombëtare të Arteve.
Film i titulluar “Dashuria e parë e Nënë Terezës”, është ndjekur me kureshtje nga publiku dhe të rinjtë.
Shfaqja e këtij filmi është mundësuar nga Instituti Italian i Kulturës në bashkëpunim me Bashkinë Tiranë e rastin e Shenjtërimit të Nënë Terezës.
“Dashuria e parë e Nënë Terezës” është dokumentari i fundit i autorizuar nga Nënë Tereza. Ai dëshmon thelbin e mesazhit të saj dhe punën e përditshme që të mësonte duke u kujdesur për më të varfrit në shtëpinë e parë që hapi, Shtëpia e të Vdekurve në Kalkuta, një vend për të kaq i dashur saqë e quante “dashuria ime e parë”.
Folko Tezani tha se ishte një përvoja ime e jashtëzakonshme në takimin me të që realizova dokumentarin “Dashuria e parë e Nënë Terezës dhe dashuria e parë e Nënë Terezës ishte Kalkuta”, tha ai
Kush është Folco Terzani?
Folko Tezani është shkrimtar dhe regjisor dokumentarësh, ka lindur në New York është rritur në Singapor, Hong Kong, Pekin, Tokio, Bangkok dhe Nju Delhi, duke ndjekur lëvizjet e atit në të gjithë kontinentin aziatik.
Në Pekin, ka ndjekur shkollat publike, është diplomuar në Letërsi Moderne në Kembrixh dhe ka frekuentuar New York University Film School. Ka punuar për gati një vit në Casa dei Morenti di Madre Teresa di Calcutta, përvojë nga e cila realizoi dokumentarin Dashuria e parë e Nënë Terezës. Në librin Fundi është fillimi im (Longanesi 2006), ka mbledhur bisedat e tij të fundit me Padre Tiziano – n , nga ku shkroi skenarin e filmit me të njëjtin emër.
