Ծաղկաձորում մեկնարկեց «Իմ մասին» ամառային ճամբարը, որին մասնակցում են 60 դպրոցական Երևանի և Տավուշի մարզի 31 ներառական դպրոցներից: Հինգ օրերի ընթացքում երեխաները կքննարկեն աշակերտական խորհուրդի գործութնեության հաջողությունները և դժվարությունները, կծանոթանան երեխայի իրավունքներին և դրանց լուսաբանման սկզբունքներին զանգվածային լրատվության միջոցներում, կծանոթանան հանրաճանաչ լուսանկարներ անելու գաղտնիքներին և ֆիլմեր պատրաստելու հիմնական սկզբունքներին : Ճամբարի մասնակիցները կհյուրընկալեն նաև մասնագետների տարբեր ոլորտներից, ովքեր կկիսվեն իրենց փորձով և գիտելիքներով: Միջոցառումը կազմակերպվում է «Իմ մասին» ծրագրի շրջանակում, որն իրականացնում են «Հույսի կամուրջ» և «Առաքելություն Արևելք» կազմակերպությունները Եվրամիության ֆինանսավորմամբ:

свернуть