ياسلام الله عليكم كلكم ياهل المدينه
المدينه غاليه واللي بها ناسً غوالي
الديار اللي بها سر المحبه والسكينه
في غلاها مانلام وفي هواها مانبالي
بعد قولة ياسلام لحفلنا ولحاضرينه
احتزم يامقبل شليويح وابشر بالجزالي
نطرق ابواب المدايح والفخر ياكاسبينه
ياهل النوماس واهل الاوله في كل حالي
ياجهينه ياهل المجد المخلد ياجهينه
ياهل العلم اليقين وياصناديد الرجالي
فتح مكه والمدينه والرسول مناصرينه
والله انه فخر ثابت لايضيع ولايزالي
مع رسول الله غزينا يوم قام بنشر دينه
الحقايق ثابته وموثقه ماضي وتالي
مجدنا اللي في تواريخ القبايل حافظينه
ماتجي حوله شكوك ولايجي حوله جدالي
لو تعلى المجد لحدود الثريا طايلينه
كم صحابي من جهينه فاز في يوم القتالي
سلّم الامجاد كايد مير حنا طالعينه
راية العز بيدينا رفرفت والراس عالي
مرحبا ترحيبة اللي مجدهم متوارثينه
مرحبا والضيف في سلم العرب محشوم غالي
مرحبا والضيف يقلط له على سمن وسمينه
بعد دوره للبخور ودوره لصفر الدلالي
عند عروه كل ضيفًا بالوجوب مكرمينه
عروه اللي بالشجاعه والوفا مضرب مثالي
عروه اللي من نواهم بالقشر تبت يدينه
ومن نواهم طيب يبشر في كريمين السبالي
وليلة الليله فرح تركي عسى تبطي سنينه
ودي ابارك لابوه وللعمام وللخوالي
وكل راسً به حميا والله انّا مقدرينه
ونعرف ان الرجل طيّب من حضور الاحتفالي
والختام يعيدها ويزيدها شادي جهينه
مرحبا والضيف غاالي عند راعي شان غالي


#شادي جهينه

свернуть