Yotishim shohona o‘rinim ho‘p yumshoq,
Boshimda par yostiq qordayin oppoq,
Har qancha yotmayim shu xolda biroq,
Yotar joyim bir kun bo‘lgusi tuproq.

Bir xil kiyim yoqmas injiq badanga,
O‘n xil bo‘lsa hamki o‘xshaydi kamga,
U faqat ko‘ngaydur oppoq kafanga,
Yotar joyim bir kun bo‘lgusi tuproq.

Ko‘tarib kelarlar bosib xilxonam,
Mozor endi uyim lahaddir xonam,
Salom, umidvorim marhumam onam,
Yotar joyim bir kun bo‘lgusi tuproq.

Tovlanib etursan ko‘pni mahliyo,
Sen asli yolg‘onsan, ro‘yobsan, ro‘yob,
Tinch qo‘ygin meni ey makkora dunyo,
Yotar joyim bir kun bo‘lgusi tuproq.

Orzular der «Hali sen ko‘p yasharsan,
Xotirjam bo‘l to‘qson, yuzdan osharsan».
Deyman «Xo‘sh undan so‘ng qayga borarsan?»
Yotar joyim bir kun bo‘lgusi tuproq.

Sarhisob ayladim bosgan har yo‘lim,
Afsus-nadomatdan o‘rtanar dilim,
Tavbaga shoshilay kelmasdan o‘lim,
Yotar joyim bir kun bo‘lgusi tuproq...🥀

@AJIBUJI7 #reels #rek #tiktok #trend #uzb #uzbek #status #uzbekistan #xit #yangiliklar

свернуть