Në Bjeshkët e Tropojës mund të gjesh mrekulli në të gjithë pamjen që syri të kap e mendja nuk gjen fjalët për ta përshkruar si duhet: shkrepa të ashpër, livadhe me bagëti, maja të larta krenare, stane të bardha të gurta si prej përrallave dhe njerëz plot histori. Bjeshkët janë të ndara mes vëllezërish e fisesh që respektojnë e mirëpresin njëri-tjetrin dhe shijojnë mes tyre këtë vend të pikturuar nga natyra dhe të bekuar me kura për trupin e mendjen.
Në gjarprin e Mulosmanit, shtegun që të çon sa në njërën bjeshkë në tjetrën, “Histori Shqiptare” në Tv Klan ndalet te familja e Bashajve, një prej më të vjetrave në këtë krahinë. Vajza e Cen Doçit, zonja Sose, i viziton prindërit e saj në bjeshkë çdo vit së bashku me fëmijët që e shijojnë pafund këtë vend të begatë. Përveç argëtimit, një tjetër arsye që e sjell është e bija e cila vuan nga astma, por e ka gjetur shërimin këtu. Gjyshi i saj, zoti Cen, thotë se vajza vjen me ilaçe në bjeshkë dhe pas 3 ditësh, nuk ka nevojë për t’i përdorur më për shkak të kurës që ata aplikojnë.
Sose Doçi: Kemi marrë pishën dhe kanë qethur dhentë, ia marrin deleve leshin, rrethoj krevatin, çdo darkë e vendos, i jap qumështin me mjaltë, e ushqej. Në mëngjes kur çohemi në gjashtë, gjashtë e gjysmë, shtatë, i jap të kuqen e vezës të pabërë. Ajri është i pastër, sidomos ajri i mëngjesit ia pastron shumë mushkërinë.
Alma Çupi: Sa herë e ka bërë këtë, dy javë në vit?
Sose Doçi: Vjet, 21 ditë. Sivjet gati i bëmë, kemi edhe 5 ditë. Edhe vitin tjetër duhet të vijmë edhe 21 ditë.
Xhemile Doçi: 3 vjet duhet të vish.
Sose Doçi: 3 vjet duhet të vish e mos të kesh më problem.
#HistoriShqiptare #AlmaÇupi #TvKlan | Historitë vijnë nëpërmjet xhirimeve në terren, duke treguar në detaje gjithë punën e njerëzve, duke i bërë model për të gjithë ata që ndjekin këtë emision të Alma Çupit.
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
