ԱՄԵՆԱԳԵՂԵՑԻԿ ՁԱԳԸ
ՀԵՂԻՆԱԿ՝ ԴՐԱՍՏԱՄԱՏ ԹՈՐՈՍՅԱՆ
ԿԱՐԴՈՒՄ Է՝ ՄԱՐԻՆԵ ԴԱՎԹՅԱՆԸ
ՏԵՍԱՀՈԼՈՎԱԿԸ՝ ՄԱՐԻՆԵ ԴԱՎԹՅԱՆԻ
ԱՄԵՆԱԳԵՂԵՑԻԿ ՁԱԳԸ
Ողջ թռչուններին լուր ուղարկեցին,
Ասացին՝ բերեք ձեր ձագուկներին,
Բերեք՝ մասնակցեն նրանք մրցույթին,
Տեսնենք, թե ով է մեր գեղեցկուհին։
Բոլոր ձագերին հերթով շարեցին,
Ասացին՝ ընտրեք նրանցից մեկին,
Ում որ համարեք մեր գեղեցկուհին,
Թագը կդնեք հենց նրա գլխին:
Թռչունները երկար ժողով արեցին
Ու նրանք հերթով կարծիք հայտնեցին,
Երկար ու բարակ անմիտ վիճեցին,
Սակայն ոչ մեկին նրանք չընտրեցին:
Ստիպված թագը տվին ագռավին,
Ասացին՝ ինքդ լուծում տուր հարցին,
Ագռավն էլ հերթով նայեց բոլորին,
Տարավ ու դրեց իր ձագի գլխին։
Դրաստամատ Թորոսյան
![](https://i.ytimg.com/vi/gKEn7syVtz0/maxresdefault.jpg)