Бүгін Алматыдағы көші-қон қызметтерін көрсететін халыққа қызмет көрсету орталығының алдында екі мыңнан астам адам жиналды. Бәрі де кезек күткен Өзбекстан мен Тәжікстаннан келген мигранттар. Таңғы жетіден бері жүрген олар уақытша тіркеуге тұрып, жұмыс берушімен келісімшартқа отыра алмай жүр. Өйткені, кезекті ортадағы делдалдар бұзып жүрген көрінеді. Ал орталық мамандары, бұдан бөлек, құжаттарды Еңбек министрлігіне жіберетініміз жұмысқа кері әсерін тигізіп жатыр дейді.
ӘЙГЕРІМ ЕРДӘУЛЕТ, тілші:
– Қазақстанның барлық өңірінде коронавирустың стелс-омикрон штамы анықталып жатқанда, Өзбекстан мен Тәжікстаннан бір күнде бұрынғыдай 500 емес, 2 мыңнан астам адам ағылып келіп жатыр екен. Ал Алматының көші-қон орталығы бұл азаматтарды қабылдап үлгере алмай жатыр.
Қара жұмыс істеуге келген мигранттарды күтіп алған жұмыс берушілер азаматтарды уақытша тіркеуге қоюымызға ортадағы делдарлар кезекті бұзып, кедергі келтіреді дейді. Оларды адам құрлы көрмейді деп қапаланған қалалықтар, журналистер келем дегенше мына орындықтар мен шатырды тігіп үлгерді деп отыр.
Өздерінің адамдары кіріп бара жатыр, кіріп бара жатыр. Талон тұр мына жақта, талон беріп жатыр ол кезде де ақиқат болып жатқан жоқ, 074 талон артта тұр, 344 талонды посредниктер алып кіріп кетіп бара жатыр. Ана жаққа апарып қой жайғандай талонды апарып таратып-таратып қалтасына салып қояды, ана жерге апарып бөліп береді біз мына жерде не үшін тұрмыз?
Мигранттар әдеттегіден 4 есеге көп келеді деп күтпедік деген мамандар, тәртіпті сақтай алмағанымыз рас дейді. Шамамыз жетпеген соң, полиция мен өзге орталықтың мамандарын көмекке шақырдық деп отыр. Кезектің жылдам жылжылмай жатқанына құжаттарды жіберудегі енгізілген жаңа өзгеріс те кері әсерін тигізіп жатыр дейді.
ТИМУР АРЫНОВ, Алматы қаласы бойынша көші-қон ХҚО жетекшісі:
– Азаматтардың құжатын бұрынғыдай көші-қон комитетіне емес, кешелі бері Еңбек министрлігіне жібереміз. Тәртіп солай өзгерді. Қазір бір адамның құжаты 7 минут емес, енді 20 минут жүктеліп, жолданады. Электронды түрде кезекке тұру мүмкін емес. Ал орталыққа мигранттарды кезексіз ортаға адам салып кіргізіп жатыр дегенмен келіспейміз. Ондай болған жоқ. Сәуірдің 12-сі шекара ашылғаннан кейін осындай жағдай.
Енді кешкі сағат сегізге дейін 2 мың адам өтініш жазып, шекарадан өткендігін растап, әлеуметтік салық төлеп, фотоға түсіп, медициналық тексерістен өтуі керек. Айта кетейік, соңғы өзгеріске сәйкес, шетелдік азаматты күтіп алған тарап, e-Qonaq электронды жүйесі арқылы полицияға хабар беруі керек екен. Тұрғылықты мекен-жайға уақытында тіркеліп үлгермегендер, 10 күнге қамалады немесе айыппұл төлеп, елден шығарылады.
Әйгерім Ердәулет, Думан Сүлейменов
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#мигранттар #жұмыс #тіркеу
