Կոտայքի նորանշանակ մարզպետ Ռոմանոս Պետրոսյանն այսօր աշխատանքային այցով Չարենցավան համայնքում էր: Համայնքի ղեկավար Վարդգես Չիլինգարյանի ուղեկցությամբ Ռոմանոս Պետրոսյանն այցելեց համայնքապետարան: Մարզպետը շրջեց բաժիններում, ծանոթացավ աշխատակիցների և աշխատանքային պայմանների հետ, զրուցեց նաև համայնքապետարան այցելած բնակիչների հետ, լսեց նրանց կարծիքները, հուզող հարցերը: Սպասարկման գրասենյակում Ռոմանոս Պետրոսյանը կարևորեց մեկ պատուհանի սկզբունքով աշխատելաոճը:
Արդեն նիստերի դահլիճում Կոտայքի մարզպետ Ռոմանոս Պետրոսյանը հանդիպեց բաժինների պետերի և վարչական ղեկավարների հետ:
Հանդիպման ընթացքում խոսվեց խոշորացված համայնքի կայացման մասին: Համայնքի ղեկավարի տեղակալ Վարդգես Չիլինգարյանը նշեց, որ Չարենցավան համայնքը խոշորացման առումով կարող է օրինակելի համարվել:
Ռոմանոս Պետրոսյանը ծանոթացավ խոշորացված համայնքում կատարված ու կատարվող աշխատանքներին, լսեց խնդիրների մասին, առաջարկեց վարչական ղեկավարներին առանձնացնել ու ներկայացնել դրանցից ամենահրատապները, կարևորեց նաև տնտեսական զարգացման ծրագրերը:
Մարզպետը ծանոթացավ համայնքի ոչ միայն տնտեսական վիճակին, այլև ենթակառուցվածնքներին, դպրոցների, նախադպրոցական հաստատությունների, մշակութային և մարզական կրթօջախների գործունեությանը: Մարզպետի խոսքով բոլոր խնդիրների լուծման հիմքում պետք է դնել նոր աշխատելաոճը, որի արդյունքում քաղաքացին պետք է լինի պատկան մարմինների ամենօրյա ուշադրության կենտրոնում:

свернуть