Քիչ առաջ ավարտվեց «Հանրապետական» խմբակցության նիստը, որում որոշում է կայացվել մարդու իրավունքների պաշտպանի թեկնածու առաջադրել արդարադատության փոխնախարար Արման Թաթոյանին: Նիստից հետո լրագրողների հետ զրույցում Արման Թաթոյանն ասաց, որ ՄԻՊ-ի թեկնածության համար իրեն առաջարկել է պետաիրավական հարցերի մշտական հանձնաժողովի նախագահ Հովհաննես Սահակյանը, իսկ ինքը ստիպված չի համաձայնվել:
«Ես ունեմ իմ տված համաձայնությունը: «Հանրապետական» խմբակցությունը որոշել է ինձ առաջադրել եւ պետք է ասեմ, որ այդ առումով քննարկում տեղի ունեցավ»,- ասաց Արման Թաթոյանը՝ նշելով, որ ինքը կարող է անկաշկանդ լինել եւ քաղաքացու կողքին կանգնել:
Արման Թաթոյանը չցանկացավ խոսել նախորդ ՄԻՊ Կարեն Անդրեասյանի հրաժարականի պատճառների մասին: Մեր հարցին՝ ճի՞շտ է, որ Վատիկանում ՀՀ դեսպան Միքայել Մինասյանի թիմից է, Արման Թաթոյանը պատասխանեց. «Ես Միքայել Մինասյանին անձամբ չեմ ճանաչում եւ առիթ չի եղել շփվելու»:
