FIER - Mungesa e hapësirës dhe ambienteve të përshtatshme në shtëpinë e të moshuarve në Fier ka bërë që shumë të tjerë të mos kenë mundësinë e strehimit në këtë qendër.
Drejtoresha e këtij institucioni, Daniela Roqi, ka bërë apel për zgjerimin e godinës si dhe rikonstruksionin e saj; në qendrën e të moshuarve në Fier janë strehuar rreth 60 persona por, prej vitesh, ndihet mungesa e hapësirës dhe e mjediseve të përshtatshme.
Sipas znj.Roqi, megjithë kërkesat drejtuar organeve shtetërore, kjo qendër, që mbetet e vetmja, jo vetëm për rrethin e Fierit, por edhe për rrethe të tjera si Vlora, Berati, etj. ka nevojë të rikonstruktohet, pasi që prej ndërtimit të saj para 40 vjetësh, nuk është vënë më dorë.
