Бірнеше сағат бұрын Алматы облысында жойқын жол апаты болды. Алматы - Қапшағай тас жолында жолаушылар тасымалдайтын екі көлік соқтығысып, бірнеше адам зардап шекті. Жарақат алған жолаушылар тез арада Іле аудандық ауруханасына жеткізілді. Алдын ала мәліметтер бойынша, көліктің бірін тізгіндеген жүргізуші қарсы бағытқа шығып кетіп, апатқа себепші болған.
Оқиға орнына жеткен құтқарушылар қарсы бағытқа шыққан көліктегі жүргізушінің жансыз денесін арнайы құралдардың көмегімен шығарып алды. Бұдан өзге үш жолаушы апат кезінде көз жұмғаны белгілі болды. Жарақат алған басқа жолаушылар Алматы облысының Іле аудандық ауруханасында. Ондағы зардап шеккендердің жай-күйі жайында толық мәлімет жоқ. Қазір дәрігерлер апаттан зардап шеккен адамдарға көмек көрсетіп жатыр.
![](https://s2.save4k.ru/pic/gab79LSeVXc/mqdefault.jpg)