#BorsunluTV #Terter #Borsunlu
MƏTN: Tərtər rayonunun Borsunlu kəndi, Düşmənlə təmas xəttində yerləşir. BorsunluTV-də mütəmadi olaraq, bu kənd haqqında söhbət açmışıq. Kənd o qədər gözdən uzaqdır ki, bu kəndin problemləri heç də az deyil.
Kəndin içində hər addım başı rastımıza çıxan çürümüş işıq dirəklərinin bu kənddə mövcudluğu, Sovet dövrünün əvvəllərinə, daha dəqiq desək 1956-cı ilə təsadüf edir. Yəni Borsunlu kəndinə ilk dəfə işıq çəkilən zaman, basdırılmış taxtadan ibarət olan işıq dirəkləri, indiyə qədər dəyişdirilməyib, İndi olduqca qəzalı vəziyyətdədir.
Nəzərə alsaq ki, Ölkəmizin bir çox şəhər və kəndlərində kabelləşmə gedib və hava şəraitindən asılı olmayaraq elektrik enerjisinin verilməsində fasilələr yaranmır.
Burda isə, vəziyyət tamamilə fərqlidir. Əgər külək olsa, günlərlə işıq olmur və bu səbəbdən, kənd sakinləri sözün əsl mənasında, çox əziyyət çəkirlər.
Yeri gəlmişkən problem bununla da bitmir, kəndin içində qaz xətləri də qəzalı vəziyyətdədir. Hətta qaz xətlərini kənardan baxanda ilk baxışdan zibilliyi xatırladan arxların içərisində də görmək mümkündür.
Bu həm təhlükəli, həm də xoşagəlməz haldır. Xoşagəlməz demişkən, Borsunlu kənd tam orta məktəbinin və eləcə də bələdiyyə binasından tutmuş, kulubun və tibb məntəqəsinin vəziyyəti də, heç də ürək açan deyil. Ümumiyyətlə hamısı nə vaxtsa sadəcə çöldən boyanıb və ömründə bir dəfə də olsun əsaslı təmir olunmayıb.
Borsunlu kənd sakinləri bu problemlərin nə vaxtsa bir gün həll olunacağına ümid edirlər. Aidiyyəti qurumlardan xaiş edirlər ki, Sadaladığımız problemlərin həlli istiqamətində lazımi tədbirlər görülsün.
Borsunlu kəndi, Tərtərin Borsunlu kendi, Berbad veziyyetde , baxımsız vəziyyətdə olan kənd, Rayon Borsunlu Kəndi, Ölkədə problem
