*ശ്രീ ദേവീ മാഹാത്മ്യം*
*(ശ്രീ ദുർഗ്ഗാ സപ്തശതീ)*
_[കാത്യായനീതന്ത്ര വിധി – ദാക്ഷിണാത്യപാഠം]_
സമ്പൂർണ്ണ പാരായണം
*ഡോ. ഗിരിധരൻ യു. ആർ.*
പരമപാവനവും, സർവ്വേഷ്ടസിദ്ധിപ്രദവുമായ *ശ്രീ ദേവീമാഹാത്മ്യം* അഥവാ *ശ്രീ ദുർഗ്ഗാ സപ്തശതീ* പാരായണം എല്ലാ കാലങ്ങളിലും, വിശേഷിച്ച്‌ നവരാത്രി പുണ്യകാലത്തിൽ ദേവീപ്രീതിക്ക്‌ ഉത്തമം ആണ്‌.
എന്നാൽ സംസ്കൃതഭാഷയിലായതുകൊണ്ട്‌ ശ്ലോകത്തിലെ വാക്കുകൾ ശരിയായി ഉച്ചരിക്കുന്നതിനുള്ള ക്ലിഷ്ടത സാധാരണ പലരും അനുഭവപ്പെടുന്ന ഒന്നാണ്‌.
അതുകൊണ്ടുതന്നെയായിരിക്കണം ദേവീ മാഹാത്മ്യത്തിന്റെ 12-ആം അദ്ധ്യായത്തിൽ “ഈ സ്തോത്രം മറ്റൊരാൾ ചെയ്യുന്ന പാരായണം കേൾക്കുന്നതുതന്നെ ദേവ്യനുഗ്രഹത്തിനു പര്യാപ്തമാണ്‌” എന്ന് ശ്രീ ദേവീ വചനമായി പറഞ്ഞിരിക്കുന്നത്‌.
_ശ്രോഷ്യന്തി ചൈവ യേ ഭക്ത്യാ മമ മാഹാത്മ്യമുത്തമം_
_ന തേഷാം ദുഷ്കൃതം കിഞ്ചിദ് ദുഷ്കൃതോത്ഥാ ന ചാപദഃ_
_ഭവിഷ്യതി ന ദാരിദ്ര്യം ന ചൈവേഷ്ടവിയോജനം_
_ശ്രുതം ഹരതി പാപാനി തഥാരോഗ്യം പ്രയച്ഛതി_
_രക്ഷാം കരോതി ഭൂതേഭ്യോ ജന്മനാം കീർത്തനം മമ_
_യുദ്ധേഷു ചരിതം യൻ മേ ദുഷ്ട ദൈത്യ നിബർഹണം_
_തസ്മിൻ ശ്രുതേ വൈരികൃതം ഭയം പുംസാം ന ജായതേ_
- _ദ്വാദശാദ്ധ്യായം 4a, 5, 23, 24 ശ്ലോകങ്ങൾ._
അതായത്‌, “ഏതൊരാൾ എന്റെ ഉത്തമമായ മാഹാത്മ്യത്തെ ഭക്തിപുരസ്സരം കേൾക്കുന്നുവോ അവർക്ക്‌ യാതൊരു ദുരിതവും ഉണ്ടാവുകയില്ല. മുൻപു ചെയ്ത ദുഷ്കർമ്മങ്ങളുടെ ഫലമായുള്ള ആപത്തുകളും സംഭവിക്കുകയില്ല. അപ്രകാരം കീർത്തിക്കുകയും, കേൾക്കുകയും ചെയ്യുന്നവർക്ക്‌ ദാരിദ്ര്യവും, ഇഷ്ടജനങ്ങളുടെ വേർപ്പാടുകൊണ്ടു സംഭവിക്കുന്ന ദുഃഖവും ഉണ്ടാകുന്നില്ല.”
“എന്റെ ആവിർഭാവങ്ങളുടെ കീർത്തനമായ ഈ ദേവീമാഹാത്മ്യം കേൾക്കുന്നത്‌ പാപങ്ങളെ നശിപ്പിക്കുന്നു; അപ്രകാരം തന്നെ ആരോഗ്യത്തെയും കൊടുക്കുന്നു. ഭൂതപ്രേതാദി ബാധകളിൽ നിന്നും രക്ഷ നൽകുന്നു.”
“യുദ്ധങ്ങളിൽ ദുഷ്ടരായ അസുരന്മാരെ വധിക്കുന്ന എന്റെ ചരിതം കേൾക്കുന്നതുകൊണ്ട്‌ ബാഹ്യവും, ആന്തരീകവുമായ ശത്രുക്കളിൽ നിന്നും മനുഷ്യർക്കു് ഉണ്ടായേക്കാവുന്ന ഭയം ഇല്ലാതാകുന്നു.”
✥✥✥
സഹൃദയരായ ഭക്തജനങ്ങൾക്കു ഉപകരിക്കുന്നതിനുവേണ്ടി പൂർവ്വാംഗമായ സിദ്ധകുഞ്ചികാ സ്തോത്രം, കവചം, അർഗ്ഗളം, കീലകം, രാത്രിസൂക്തം, അതുപോലെത്തന്നെ ഉത്തരാംഗമായ ദേവീസൂക്തം, രഹസ്യത്രയം, കൂടാതെ പ്രധാനമായിട്ടുള്ള ചില പൂർവ്വ, ഉത്തര ന്യാസങ്ങൾ എന്നിവ സഹിതം സമ്പൂർണ്ണ ദേവീമാഹാത്മ്യ പാരായണം കാത്യായനീ തന്ത്രവിധി പ്രകാരം പാരായണം ചെയ്തിട്ടുള്ളതാണ്‌ ഈ വീഡിയോ.
സ്തോത്രം ശ്രവിക്കുമ്പോൾ തന്നെ അനുകരിച്ച്‌ വായിച്ചുപോകാനുള്ള സൗകര്യത്തിനായി വീഡിയോയിൽ ശ്ലോകങ്ങളും മലയാള ലിപിയിൽതന്നെ ചേർത്തിട്ടുണ്ട്‌.
ഉവാചമന്ത്രങ്ങളായും, അർദ്ധശ്ലോകങ്ങളായും, പൂർണ്ണശ്ലോകങ്ങളായും 700 മന്ത്രങ്ങളുള്ള ഈ സപ്തശതീ സ്തോത്രത്തിൽ ഓരോ അദ്ധ്യായത്തിന്റെ ഒടുവിലും മന്ത്രങ്ങളുടെ കണക്കും, പാരായണം ശ്രവിക്കുമ്പോൾ ഒരോ മന്ത്രഭാഗവും തിരിച്ചറിയാൻ ഒരു വീണയുടെ ധ്വനിയും ചേർത്തിട്ടുണ്ട്‌.
താഴെ കൊടുത്തിട്ടുള്ള ലിങ്കിൽ ക്ലിക്ക്‌ ചെയ്താൽ എല്ലാ ശ്ലോകങ്ങളുടേയും മലയാള വിവർത്തനവും താൽപര്യമുള്ളവർക്ക്‌ വായിക്കാവുന്നതുമാണ്‌. 👇
[ Ссылка ]
ഇതിൽ അടങ്ങിയിട്ടുള്ള സ്തോത്രങ്ങളുടേയും, അദ്ധ്യായങ്ങളുടേയും Timestamp താഴെ കൊടുത്തിട്ടുള്ളതുകൊണ്ട്‌ കേട്ടു നിറുത്തിയ ഭാഗത്തിൽ നിന്നും കൃത്യമായി തുടർന്നുകേൾക്കാനും, ആവശ്യമുള്ള ഭാഗം മാത്രം കേൾക്കാനും സാധിക്കുന്നതാണ്‌.
Timestamp
0:00:00 - പൂർവ്വാംഗം
0:01:33 - സിദ്ധകുഞ്ജികാ സ്തോത്രം
0:04:29 - കവചം
0:12:16 - അർഗ്ഗളാ സ്തോത്രം.
0:15:41 - കീലക സ്തോത്രം
0:18:00 - നന്ദജാദി ന്യാസം
0:18:52 - രാത്രിസൂക്തം
0:21:12 - സപ്തശതീ മാലാമന്ത്ര ന്യാസം
0:22:57 - ചണ്ഡീ പഞ്ചാക്ഷരമന്ത്ര ന്യാസം
0:23:13 - ചക്ര ന്യാസം
0:24:30 - ഒന്നാം അദ്ധ്യായം
0:38:10 - രണ്ടാം അദ്ധ്യായം
0:49:54 - മൂന്നാം അദ്ധ്യായം
0:57:12 - നാലാം അദ്ധ്യായം
1:05:51 - അഞ്ചാം അദ്ധ്യായം
1:23:42 - ആറാം അദ്ധ്യായം
1:27:26 - ഏഴാം അദ്ധ്യായം
1:31:48 - എട്ടാം അദ്ധ്യായം
1:41:28 - ഒൻപതാം അദ്ധ്യായം
1:48:00 - പത്താം അദ്ധ്യായം
1:53:02 - പതിനൊന്നാം അദ്ധ്യായം
2:02:08 - പന്ത്രണ്ടാം അദ്ധ്യായം
2:08:46 - പതിമൂന്നാം അദ്ധ്യായം
2:12:55 - ദേവീ സൂക്തം
2:17:55 - പ്രാധാനികം രഹസ്യം
2:23:11 - വൈകൃതികം രഹസ്യം
2:29:34 - മൂർത്തി രഹസ്യം
2:33:11 - ഉത്തര ന്യാസങ്ങൾ
2:36:11 - അപരാധ ക്ഷമാപണ പ്രാർത്ഥന
Copyright @ Dr.U.R.Giridharan-2022.
