Numri i viktimave nga përmbytjet e fundit në Evropë ka arritur në 193, njoftuan autoritetet këtë të dielë. Ndërkaq, dhjetëra persona vazhdojnë të jenë të zhdukur.“Ekziston frika që numri i viktimave do të rritet”, tha policia në rajonin gjerman Rhineland-Palatinate, ku konfirmohet se janë lënduar. Përveç katër shteteve të goditura më keq nga përmbytjet – Gjermania, Belgjika, Holanda dhe Luksemburgu – me përmbytje tani po përballen edhe Zvicra, Austria dhe Republika Çeke.
Të paktën 156 persona kanë vdekur në Gjermani, në atë që është përshkruar si përmbytjet më të këqija në historinë e këtij shteti. Ndërkaq, numri i viktimave nga përmbytjet në Belgjikë ka arritur në 27. Një person është raportuar se ka humbur jetën në Bavari pranë kufirit me Austrinë, gjatë shirave të rrëmbyeshëm në natën ndërmjet 17 dhe 18 korrikut. Në Bavari është shpallur gjendje e jashtëzakonshme. “Shirat dhe stuhitë fatkeqësisht po shkaktojnë dëme të rënda në Austri”, tha kancelari austriak, Sebastian Kurz.
Kancelarja gjermane, Angela Merkel do të vizitojë qytetin Shuld gjatë ditës së sotme, për të parë dëmet e shkaktuara dhe për të takuar të mbijetuarit. Presidenti gjerman, Frank-Ëalter Steinmeier vizitoi zonat e përmbytura të shtunën dhe bëri thirrje për ndihmë dhe donacione për viktimat e përmbytjeve. Ndërkaq shërbimet e trenit ndërmjet Gjermanisë dhe Republikës Çeke janë pezulluar për shkak të problemeve teknike “të shkaktuara nga kushtet e motit”. Zyrtarët thanë se linjat hekurudhore do të rinisin punën më vonë gjatë së dielës.
Shkalla e fatkeqësisë në Gjermani është bërë më e qartë teksa ushtarët, me makina të blinduara, po pastrojnë rrugët dhe inxhinierët po vlerësojnë se cilat ndërtesa duhet të shemben. Në zona të tjera, zhytësit kontrolluan shtëpitë dhe makinat e përmbytura. Presidentja e Komisionit Evropian, Ursula von der Leyen ka vizituar zonat e përmbytura në Belgjikë dhe ka postuar në Tëitter një mesazh ku thuhej: “Evropa është me ju”. Belgjika ka shpallur 20 korrikun ditë zie për të nderuar viktimat e përmbytjeve.
Pamje: AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Belgium#Germany#TopChannel
![](https://s2.save4k.ru/pic/gjOh15sLsbQ/maxresdefault.jpg)