N.R.M. (Н.Р.М., “Незалежная Рэспубліка Мроя”).
Без перабольшвання самы культавы і легендарны рок-гурт Беларусі. Заснаваны ў 1994 годзе былымі ўдзельнікамі гурта “Мроя”. Выступае ў стылі “альтэрнатыўнай эклектыкі” ( з вызначэння саміх музыкаў). Тройчы атрымоўвала галоўную ўзнагароду фэстываля “Рок-каранцыя”. Галоўныя хіты – “”Песні пра каханне”, “Тры чарапахі”, “Партызанская”, “Паветраны шар”, “Лёгкія-лёгкія” увайшлі ў “залаты фонд” беларускай рок-музыкі, як увайшлі ў яго і тры лепшых альбома – “Одзірыдзідзіна”(1996), “Пашпарт грамадзяніна N.R.M.” (1998) і “Тры чарапахі” (2000). Гурт вядзе актыўнаю канцэртную дзейнасць як у Беларусі, так і па-за яе межамі. Новая гісторыя гурта пачынаецца з 2010-га году, калі яго пакінуў лідэр Лявон Вольскі. Гурт пад кіраўніцтвам гітарыста Піта Паўлава паспяхова працягвае канцэртную дзейнасць і выпускае новыя альбомы.
