5.10.1. "Белгиланган йўналишли транспорт воситалари учун бўлаги бор йўл" Бу белги белгиланган йўналишли транспорт воситаларининг умумий оқимга қарши ҳаракатланиши учун ажратилган бўлакни кўрсатади. Белги ўрнатилган йўлнинг четки чап бўлагида белгиланган йўналишли транспорт воситалари умумий оқимга қарши ҳаракатланади. Бу йўл бўлаги бошқаларидан сидирға чизиқ билан ажратилиб, унга бошқа транспорт воситаларининг кириши тақиқланади. Жамоат транспорти ҳаракатланадиган қарама-қарши бўлакка чиққан ҳайдовчи энг кам иш ҳақининг 10 баравари миқдорида маъмурий жавобгарликка тортилади.
