Темір тұлпар тізгіндегендер үшін тың жаңалық.

Бұдан былай көлік жүргізуші жылдамдықты шамадан тыс асырса, бұрынғыдай 10 емес, 5 айлық есептік көрсеткіш көлемінде айыппұл төлейді. Ал жолдың қарсы бетіне шыққан үшін жүргізуші куәлігінен айырмайды. Оның орнына 30 айлық есептік көрсеткіш айыппұл салынады. Мұндай жаңашылдықтар күні кеше Елбасы қол қойған жаңа заңда бекітілген. «Әкімшілік құқықбұзушылық Кодекске толықтырулар енгізу туралы» құжатта бұдан басқа да біраз өзгеріс бар. Жалпы жаңа заңнамада жол жүру ережесінің 22 түріне айыппұл санын азайту көзделген.

Нұрсейіт Әбішев, ҚР ІІМ әкімшілік полиция комитетінің бөлім бастығы:

– Сонымен қатар мүгедектердің көлік құралдарын қоюға арналған жерлерге басқа адамдар қойған жағдайда қазіргі кезде 50 айлық көрсеткіш болатын болса, оны 10 пайызға азайту көзделіп отыр. Сонымен қатар қазіргі осы заңмен айта кететін болсақ, қазір тек қана әкімшілік хаттамаларға ғана 7 күннің ішінде төлейтін болса, 50 пайыз қысқартылған мерзімде төлеу мүмкіндігі қарастырылып отырса, ал осы заңмен арнайы тіркеу құралдары арқылы жаңағы фотоаппарат, бейнежазбалар арқылы тіркелген құқықбұзушылықтары үшін 7 күн ішінде төлесе, бұл жағдайдада 50 пайызға азайтылып отыр.

свернуть