Մատթեոս 5 - Լեռան Քարոզը
Կարդաց` Էդգար Ալեքսանյանը
Լեռան քարոզը
1 Հիսուսը, տեսնելով ժողովրդի բազմությունը, բարձրացավ լեռան վրա եւ նստեց այնտեղ. նրա աշակերտները հավաքվեցին նրա շուրջը, 2 եւ նա սկսեց ուսուցանել նրանց՝ ասելով.
Երանիներ (Ղկ 6.20-23)
3 - Երանի՜ հոգով աղքատներին, որովհետեւ նրանցն է երկնքի արքայությունը։
4 Երանի՜ սգավորներին, որովհետեւ նրանք Աստծուց մխիթարություն պիտի գտնեն։* 5 Երանի՜ հեզերին, որովհետեւ նրանք երկիրը պիտի ժառանգեն։*
6 Երանի՜ նրանց, որոնք արդարության քաղցն ու ծարավն ունեն, որովհետեւ նրանք
պիտի հագենան։*
7 Երանի՜ ողորմածներին, որովհետեւ նրանք Աստծուց ողորմություն պիտի գտնեն։ 8 Երանի՜ նրանց, որոնք սրտով մաքուր են, որովհետեւ նրանք Աստծուն պիտի
տեսնեն։*
9 Երանի՜ նրանց, որոնք խաղաղության հաստատման համար են աշխատում,
որովհետեւ նրանք Աստծու որդիներ պիտի կոչվեն։
10 Երանի՜ նրանց, որոնք հալածվում են արդարության համար, որովհետեւ նրանցն է
երկնքի արքայությունը։*
11 Երանի՜ ձեզ, երբ մարդիկ ձեզ նախատեն ու հալածեն, կամ ստելով՝ ձեր մասին
ամեն տեսակ զրպարտություն անեն իմ հետեւորդը լինելու համար։* 12 Ցնծացե՛ք եւ ուրախացե՛ք, որովհետեւ մեծ է ձեր վարձատրությունը երկնքում։ Հիշեցե՛ք, որ նույն ձեւով հալածանքի ենթարկվեցին նաեւ ձեզնից առաջ ապրած մարգարեները։
![](https://i.ytimg.com/vi/h0-oe9LV1nM/maxresdefault.jpg)