Үг, ая Н.Содном Дуучин МУГЖ Чулуунцэцэг
Зүүдний дуу
Урд эхэндээ очлоо доо би
Унасан бууцандаа хөрвөөлөө дөө хө
Уяралтай сайхан ээж минь ээ хө
Уйлан өмөлзөн эрхлүүлэх шигээ хө
Энгэрийн буудлын өвөлжөөгөөр
Эргэж нэгэн очлоо доо хө
Ээж л аав л хоёртойгоо
Эсэн энх л золгох шигээ хө
Хослон найгах вансэмбэрүү нь хө
Хойд хөндийдөө эрхэмсүү еэ хө
Хоёр нутгийн ахан дүүс нь ээ
Хослож найрсаад элгэмсүүеэ хө
Раахын жаахан нуур нь ээ хө
Айрагтай хул шиг мэлтэрнэ ээ хө
Ангир шувууд нь нургилан ганганасаар
Алсад чимээлэн үдлээ дээ хө
Онгодын мөнгөн оргил дээгүүр ээ
Оройлон дүүлэн нисэв дээ би
Зүрхэнд уяатай хоёр богдыгоо
Зүүдлэнхэн дуулан сэрлээ дээ хө
Зүрхэнд уяатай ихэр богдыгоо
Зүүдлэнхэн дуулан сэрлээ дээ хө
