Бұдан былай жалға берілетін жерді пайдалану қатаң бақыланады. Егер бұрын алқаптар сапасын бірнеше облыста ғана тексерсе, енді әр облыстың әр ауданында тексеру органдары жұмыс істемек.
Себебі соңғы жылдары ауыл шаруашылық жерлерінің құнарлығы төмендеген.
Ғалымдардың айтуынша, жақын арада диқаншылар жерге тиісінше көңіл бөлмесе, жазық далада берекелі астық түгілі арамшөп те шықпай қалуы мүмкін.
Бұл – Ақмола облысындағы жылда мол өнім беретін егістік алқабы. Астық шаруашылығын қадағалайтын мамандар топырақ құнарлығын анықтауда. Оны өз көзімен көруге қожалықтың бас агрономы Надежда Насачева да келген.
Надежда Насачева, шаруа қожалығының бас агрономы
-Біздің қожалық өте ірі. Екі бағыт бойынша жұмыс істейміз. Ол егін шаруашылығы мен мал шаруашылығы. 38 мың 670 гектар жерге дәнді-дақыл, майлы дақыл және мал азығын егумен айналысамыз. Ақ басты асыл тұқымды ірі қара мал өсіреміз.
Мамандар топырақ үлгілерін Бараев атындағы Қазақ астық шаруашылығы ғылыми-институтындағы зертханаға алып келді. Елдің аймақтарындағы топырақ құнарлығы да дәл осында зерттеледі.
![](https://s2.save4k.ru/pic/hLDT702URXE/maxresdefault.jpg)